وڭتۇستىك قازاقستان وبلىسى، سوزاق اۋدانىنا قاراستى  جۋانتوبە اۋىل وكرۋگىندە 50 ورىندىق «الۋا»  بالاباقشاسى اشىلىپ، ەل يگىلىگىنە بەرىلدى.

بۇل تۋرالى «اباي اقپارات» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

بۇل وسى جىلى پايدالانۋعا بەرىلگەن 7-ءشى بوبەكجاي. وسىلايشا وڭتۇستىكتە «بالاپان» باعدارلاماسى اياسىندا اشىلعان بالاباقشالاردا 660 بالا بالاباقشامەن قامتىلىپ وتىر. سونىڭ ناتيجەسىندە اۋداندا باعدارلامانىڭ ورىندالۋى 84,5 پايىزدى قۇرادى.

جۋانتوبە اۋىلى تۇرعىندارىنىڭ قۋانىشىمەن بولىسە كەلگەن سوزاق اۋدانى اكىمى م.يسەاۆ بالالار تاربيەسى ارقاشان باستى نازاردا ەكەنىنە توقتالىپ، بۇگىنگى ۇرپاق - ەلىمىزدىڭ ەرتەڭى ەكەنىن ايتتى. سونداي-اق، ول اتالعان نىسان كاسىپكەردىڭ جەكە يەلىگىندە بولسا دا، مەملەكەتتىك تاپسىرىس بويىنشا  جۇمىس ىستەيتىنىن جەتكىزدى.

ەلۋ بالا تاربيەلەتىن مەكتەپكە دەيىنگى ءبىلىم بەرۋ ۇيىمىندا جەرگىلىكتى 10 ادام جۇمىسپەن قامتىلىپ وتىر. سوڭعى ۇلگىدەگى جابدىقتارمەن قامتىلعان بالاباقشادا، ەكى جاتىن بولمە، اسحانا، دەمالىس بولمەسى، مەدبيكە  بولمەسى بار.

ايتا كەتەيىك، سوزاقتا جىل سوڭىنا دەيىن «بالاپان» باعدارلاماسى اياسىندا تاعى 5 بالاباقشا ەل يگىلىگىنە بەرىلەدى دەپ جوسپارلانۋدا.

Abai.kz