وڭتۇستىك قازاقستان وبلىسىنىڭ اكىمى ج.تۇيمەباەۆ «Hemogens Health Care» تۇرىك كومپانياسىنىڭ باس ديرەكتورى نادجيە ارپادجي حانىممەن كەزدەستى. 

كەزدەسۋدە «Hemogens Health Care» كومپانياسى مەن وڭتۇستىك قازاقستان وبلىسىنىڭ اكىمدىگى اراسىندا وڭىردە جەدەل مەديتسينالىق كومەك قىزمەتىن جەتىلدىرۋ بويىنشا ەكىجاقتى مەماراندۋمعا قول قويىلدى.

«تۇركيادا جانە باە وسىعان ۇقساس جوبالاردى ەندىرۋدە ۇلكەن تاجىريبەسى بار تۋركيالىق كاسىپكەرلەر وڭتۇستىك قازاقستاندا مەملەكەتتىك-جەكەمەنشىك ارىپتەستىك شەڭبەرىندە جەدەل مەديتسينالىق كومەكتىڭ ۇلگىلىك كىشى ستانتسيالارىن سالۋ، بىرەگەي قۇرالدارمەن جانە كولىكپەن جابدىقتاۋ، مەديتسينا ماماندارىن وقىتۋ، بىرىڭعاي اقپاراتتىق-تالدامالىق ديسپەتچەرلىك ورتالىق قۇرۋ سىندى جوبالاردى جۇزەگە اسىرماق» دەپ حابارلايدى وبلىس اكىمىنىڭ ءباسپاسوز قىزمەتى.

اتالمىش جوبا اياسىندا ءوڭىردىڭ دەنساۋلىق ساقتاۋ سالاسىنا 3,5 ملرد. تەڭگە ينۆەستيتسيا سالىنىپ، كەلەر جىلى ونىڭ 1,8 ملرد. تەڭگەسى جەدەل مەديتسينالىق كومەكتىڭ ورتالىق ستانتسياسىنىڭ كىشى ستانتسيالارىن سالۋعا جانە جابدىقتاۋ مەن سانيتارلىق اۆتوكولىكتىڭ 25 بىرلىگىن ساتىپ الۋعا جۇمسالاتىن بولادى.

سونداي-اق، جەدەل مەديتسينالىق كومەك كورسەتۋ بويىنشا جاڭا ە-فورماتتا بىرىڭعاي قالالىق اقپاراتتىق-تالدامالىق ديسپەتچەرلىك ورتالىق قۇرۋ، وسىعان وراي مەديتسينا قىزمەتكەرلەرىن قايتا وقىتۋ، مەديتسينالىق ءتۋريزمدى دامىتۋ بويىنشا جۇمىس جۇرگىزىلەتىن بولادى.

بۇل جوبا وڭتۇستىك قازاقستان وبلىسىندا دەنساۋلىق ساقتاۋ سالاسىن جانە مەديتسينالىق ءتۋريزمدى دامىتۋعا ءوز سەپتىگىن تىگىزەدى دەپ كۇتىلۋدە. مەموراندۋم ءبىزدىڭ ءوڭىردىڭ تۇرىك ينۆەستيتسيالىق ينستيتۋتتارىمەن ىنتىماقتاستىعىن جاڭا ساپالى دەڭگەيگە كوتەرەدى.

قازىرگى ۋاقىتتا، تۇركيا سانيتارلىق اۆياتسيا مەن جەدەل مەديتسينالىق كومەك قىزمەتى تۇرعىسىنان الەمدەگى ەڭ دامىعان ەل بولىپ تابىلادى. تۇركيا قالالارىندا 94% جاعدايدا شۇعىل كومەك 10 مينۋت ىشىندە، ال اۋىلدىق جەرلەردە 96% جاعدايدا شۇعىل كومەك 30 مينۋت ىشىندە كورسەتىلەدى.

Abai.kz