قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسى بويىنشا ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى» اياسىندا مەملەكەتتىك ءتىلدىڭ قولدانىسى دەڭگەيىن كەڭەيتۋ جانە ىلەسپە اۋدارماشىلاردىڭ بىلىكتىلىگىن ارتتىرۋ ماقساتىندا 2017 جىلدىڭ  تامىز جانە قاراشا ايلارىندا استانا قالاسىندا 2 كەزەڭنەن تۇراتىن  قازاقشا-ورىسشا، ورىسشا-قازاقشا ىلەسپە اۋدارما جۇرگىزۋدى ۇيرەتۋدىڭ اپتالىق شەبەرلىك كلاستارىن وتكىزدى.

شەبەرلىك كلاستارىنا ورتالىق جانە جەرگىلىكتى اتقارۋشى ورگاندارى مەن ۇلتتىق كومپانيالاردىڭ اۋدارماشى ماماندارى بىلىكتىلىكتەرىن كوتەرىپ جانە شىعارماشىلىق الەۋەتتەرىن ارتتىردى.

اپتالىق شەبەرلىك كلاستارىندا اۋدارما تەورياسى، جازباشا جانە اۋىزشا اۋدارما ەرەكشەلىكتەرى، ىلەسپە اۋدارماشىعا قاجەتتى بازالىق گرامماتيكالىق جانە فرازەولوگيالىق مودەلدەر، سوزدىك قوردى بايىتۋ جۇمىستارى بويىنشا ءدارىس وقىلدى. سونىمەن قاتار، اۋدارماشى ماماندارعا اۋدارما تەورياسى مەن پراكتيكاسىنىڭ جانە اۋدارماتانۋدىڭ وزەكتى ماسەلەلەرى شەڭبەرىندە وقۋ-ادىستەمەلىك كومەك كورسەتىلىپ، تارجىمەلەۋ جانە ىلەسپە اۋدارما سالاسىنداعى وزىق تاجىريبەلەرمەن وي الماستى.

شەبەرلىك ساباقتارىن بەلگىلى اۋدارماشى، فيلولوگيا عىلىمدارىنىڭ كانديداتى كامال الپەيىسوۆا جۇرگىزدى.

تىڭداۋشىلارعا قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ سەرتيفيكاتتارى تابىس ەتىلدى.

اباي-اقپارات