«ۇلى دالا ەلى» برەندىن پايدالانۋ قۇقىعىن تابىس ەتۋگە ارنالعان بايقاۋ وتەدى.

 «ۇلى دالا ەلى» برەندىنىڭ  قاتارىنا ەلىمىزدەگى ەڭ ۇزدىك ەكسپورتتاۋشىلارىن بىرىگەدى جانە وسى يدەيا تاۋارلار مەن قىزمەتتەردىڭ الەمدىك نارىعىنا شىعارىلادى.

وسى برەند اياسىندا بىرىككەن كاسىپورىنداردىڭ مورالدىق مىندەتتەمەلەرى «اتامەكەنگە» جۇكتەلەدى. سونداي-اق، پالاتا ەكسپورتقا باعدارلانعان كاسىپورىنداردى ىنتالاندىرىپ، ولاردى ءتۇرلى قۇرالداردىڭ كومەگىمەن قولداۋ جونىندە باستاما كوتەرەدى.

بۇل ساپالى ونىمدەر مەن قىزمەت تۇرلەرىن بىرىڭعاي قازاقستاندىق برەند اياسىندا ەكسپورتتاۋ ارقىلى حالىقارالىق ارەنادا ەلىمىزدىڭ ءيميدجى مەن تانىمالدىعىن ارتتىرۋعا كومەكتەسەدى.

وتاندىق كاسىپكەرلەردى بايقاۋعا تارتۋ باسەكەنىڭ دەڭگەيىن ارتتىرىپ، ساپا يدەياسىن ىلگەرىلەتەدى جانە وتاندىق كاسىپكەرلەردى قولداۋدا ەلىمىزدىڭ وڭ ءيميدجىن قالىپتاستىرادى.

بايقاۋ قورىتىندىلارى بويىنشا 3  ۇمىتكەر لاۋرەات اتانىپ، «ۇلى دالا ەلى» برەندىن پايدالانۋ قۇقىعىنا يە بولادى.

بايقاۋعا مىنا تالاپتاردى ورىنداعان جەكە كاسىپكەرلىك سۋبەكتىلەرى قاتىسا الادى:

1) ۇلتتىق كاسىپكەرلەر پالاتاسىنا بەكىتىلگەن مەرزىمدە ءوتىنىم بەرگەن;

2) ءۇش جىلدان ارتىق جۇمىس ىستەپ كەلە جاتقان;

3) جويىلۋ ساتىسىندا ەمەس، بانكروت دەپ جاريالانباعان;

4) وتىنىمدە دۇرىس مالىمەتتەر كورسەتكەن;

5) كوميسسيا مۇشەلەرىنە ءوز كاسىپورنىن تەكسەرۋگە مۇمكىندىك بەرگەن.

بايقاۋعا قاتىسۋشىلار مىنا تالاپتارعا ساي كەلۋى كەرەك:

1) ءوندىرىستىڭ جالپى كولەمىندەگى ەكسپورت ۇلەسى (30%-دان اسپاۋى قاجەت);

2) تاۋار ءوندىرۋ، قىزمەت كورسەتۋ كەزىندەگى جەرگىلىكتى قۇرامنىڭ ۇلەسى (50%-دان كەم بولماۋى كەرەك);

3) حالىقارالىق بيزنەس-قاۋىمداستىقتارعا مۇشەلىك (بار بولسا);

4) ليتسەنزيالاردىڭ، رۇقسات قاعازداردىڭ، پاتەنتتەردىڭ بولۋى (بار بولسا);

5) حالىقارالىق ماراپاتتاردىڭ، ديپلومداردىڭ بولۋى (قۇپتالادى);

6) بيزنەستىڭ الەۋمەتتىك جاۋاپكەرشىلىگى بويىنشا قارجىلاي ەمەس ەسەپ جاريالاۋ تاجىريبەسىنىڭ بولۋى (بۇل دا قۇپتالادى);

7) ساۋدا ماركاسىنىڭ تانىمال بولۋى، ۇسىنىلعان پورتفوليو بويىنشا كومپانيانىڭ وڭ ءيميدجى (قۇپتالادى).

بايقاۋدى وتكىزۋ ءتارتىبى:

بايقاۋعا قاتىسۋشىلار ءوتىنىمدى تولتىرىپ، سكانەردەن وتكىزىپ، info@yludala.kz ەلەكتروندى مەكەن-جايىنا جىبەرەدى.

كوميسسيا بايقاۋعا قاتىسۋشىلاردىڭ وتىنىمدەرىن قاراستىرىپ، بارلىق وتىنىمدەردىڭ ىشىنەن 12 ۇمىتكەردى ىرىكتەپ الادى.

توپتارعا بولىنگەن كوميسسيا مۇشەلەرى وتىنىمدە جازىلعان مالىمەتتەردى تەكسەرۋ ءۇشىن كاسىپورىندارعا بارادى (سولاردىڭ ەسەبىنەن).

تەكسەرۋ ناتيجەلەرى بويىنشا كوميسسيا ىرىكتەۋدىڭ كەلەسى كەزەڭىنە وتكەن 6 ۇمىتكەردى انىقتايدى.

داۋىس بەرۋ ءۇشىن سول 6 ۇمىتكەردىڭ ءتىزىمى ۇكپ-نىڭ ينتەرنەت-رەسۋرسىندا جاريالانادى، داۋىس بەرۋ 10 كۇنگە سوزىلادى.

كوبىرەك داۋىسقا يە بولعان كومپانيالار (3-دەن ارتىق ەمەس) «ۇلى دالا ەلى» برەندىن پايدالانۋ قۇقىعىنا يە بولادى.

بايقاۋ جۇلدەگەرلەرىنە سالتاناتتى تۇردە «ۇلى دالا ەلى» برەندىنىڭ بەلگىسى مەن ديپلومدار تابىس ەتىلەدى.

«ۇلى دالا ەلى» برەندىن يەلەنۋ قۇقىعى 5 جىلعا بەرىلەدى.

بايقاۋعا قاتىسۋشىلار كاسىپورىنداردى تەكسەرۋگە بايلانىستى كەتەتىن كوميسسيا مۇشەلەرىنىڭ شىعىندارىن (كولىك، جاتىن ورىن شىعىندارى، كوميسسيانىڭ ءۇش مۇشەسىنە ارنالعان ەكى كۇننەن اسپايتىن تاۋلىكتىك شىعىندار) تولەۋ مىندەتىن وزدەرىنە الاتىندىقتارىن تۇسىنۋلەرى كەرەك.

قازىرگى تاڭدا كوميسسيا جاساقتالىپ جاتىر، ونى «اتامەكەن» قر ۇكپ باسقارما توراعاسى ابىلاي مىرزاحمەتوۆ باسقارادى.

كوميسسيا مۇشەلەرى سالالىق قاۋىمداستىقتاردىڭ وكىلدەرى مەن بلوگەرلەر بولادى. كوميسسيا قۇرامى وسى جىلدىڭ 10 قاراشاسى كۇنى بەكىتىلەدى.

ۇكپ-نىڭ جاۋاپتى بولىمشەسى – جۇمىسپەن قامتۋ ماسەلەلەرى جونىندەگى دەپارتامەنت.

بيىل بايقاۋدى وتكىزۋ مەرزىمى 2017 جىلدىڭ 1 قاڭتارىنان باستاپ كۇشىنە ەنەتىن ەرەجەدە قاراستىرىلعان مەرزىمنەن ەرەكشەلەنەدى.

2016 جىلى ءوتىنىم بەرۋ مەرزىمى: 2016 جىلدىڭ 28 قازانى مەن 15 قاراشاسىنىڭ ارالىعى.

بايقاۋعا قاتىسۋ ءۇشىن ۇمىتكەرلەر ءوتىنىمدى بايقاۋ تۋرالى ەرەجەنىڭ №2 قوسىمشاسىنا سايكەس، مىنا ەلەكتروندى پوشتاعا جىبەرەدى: ە-mail: info@yludala.kz

«ۇلى دالا ەلى» برەندىن يەلەنۋ قۇقىعىن تابىس ەتۋ بايقاۋىن وتكىزۋ تۋرالى ەرەجە www.yludala.kz سايتىندا جاريالانعان.

كەڭەس الۋ ءۇشىن: تەل. +7 (1712)  919-300 (ىشكى. 1836, 1840), 

ە-mail: info@yludala.kz.

Abai.kz