تاشكەنتتە قايتادان بەنزين تاپشىلىعى بايقالادى
تاشكەنتتىڭ جانار-جاعارماي قۇيۋ ستانتسيالارىندا بەنزين تاپشىعىلى بايقالادى. تۇسكە قاراي ستانتسيا قىزمەتكەرلەرى جۇرگىزۋشىلەرگە بەنزين جوقتىعىن ايتىپ، كەلەسى كۇنى تاڭعى 4-تە كەلۋگە كەڭەس بەرىپ جاتىر.
- بارلىق جەردە كەزەك. تاڭەرتەڭ جانار-جاعار ماي قۇيۋ ستانتسيالارىنا كەلسەڭىز، جارتى ساعاتتىڭ ىشىندە بەنزين تاۋسىلىپ قالادى. ۇلگەرگەندەر عانا ساتىپ الادى. ۇلگەرمەسەڭىز، باسقا ستانتسياعا بارىپ كەزەككە تۇرۋعا تۋرا كەلەدى، - دەيدى وزودليك تىلشىسىنە شاھار جۇرگىزۋشىلەرى.
ماي قۇيۋ ستانتسيالارى قىزمەتكەرلەرىنىڭ سوزدەرىنشە، بەنزين تاپشىلىعىنىڭ سەبەبى، زاۋىتتاردا جانارمايدى وتە از بەرىپ جاتىر. «وزبەكمۇنايماحسۋلوت» زاۋىتى بەنزين تاپشىلىعىن جارتىلاي راستاپ وتىر.
– اي سايىن 30 مىڭ كولىك بىزدەن بەنزين الىپ كەتەدى. ارينە وسىنداي كولەمدە ماي العان سوڭ تاۋسىلادى. بىراق تاشكەنتتەگى جاعداي وزگە ايماقتارعا قاراعاندا، الدەقايدا جاقسى، – دەيدى «وزبەكمۇنايماحسۋلوت» وكىلى.
قازىرگى ۋاقىتتا اي-80 ماركالى بەنزيننىڭ مەملەكەتتىك باعاسى – 2070 سۋم. الايدا وزبەكستان نارىعىندا 3 مىڭ سۋمعا ساتىلادى. باقىلاۋشىلار بەنزيننىڭ تاپشىلىعىن ماقتا تەرۋ ناۋقانىنىڭ جاقىنداپ قالعانىمەن تۇسىندىرەدى.
اباي-اقپارات
