باحرەيندە ءۇش قازاقستاندىق سەكس-قۇلدىققا ءتۇسىپ قالعان. بۇل تۋرالى Tengrinews.kz تىلشىسىنە قازاقستاننىڭ ساۋد ارابياسىنداعى ەلشىسى باحىت باتىرشاەۆ مالىمدەدى. سۇحباتتاسۋشىنىڭ ايتۋىنشا، وقيعا تۋرالى بىرنەشە كۇن بۇرىن بەلگىلى بولعان. ەلشىلىككە قىزداردىڭ اتا-انالارى حابارلاسىپ، كومەك سۇراعان.

قازىرگى ۋاقىتتا قىلمىستىق توپتىڭ قىزداردى وڭتۇستىك قازاقستاننان الداپ شاقىرعانى انىقتالدى. "بىزگە ءۇش قىزدىڭ اتا-اناسى كەلىپ، قىزدارىنىڭ باحرەيندە سەكس-قۇلدىقتا ەكەندىگىن ايتتى. ءبىز مالىمەتتى قۇقىق قورعاۋ ورگاندارىنا بەردىك، ولار قىزداردىڭ قايدا ەكەندىگىن انىقتاپ جاتى ولار (جەڭگەتايلار مەن قىزدار - اۆتور سوزىنەن) ءبىر جەردەن ءبىر جەرگە كوشىپ جۇرەدى، قوناقۇيدەن قوناقۇيگە. مالىمەت بەلگىلى بولعان ۋاقىتتا قازاقستاندىق قىزداردى سەكس-قۇلدىقتان شىعارىپ الۋ پروتسەسى جۇرەدى، شامامەن ءبىر اپتا ۋاقىت كەتەدى، - دەيدى باتىرشاەۆ. - ءبىز 2015 جىلى ءۇش قىزدى وسىلاي شىعارىپ، ەلگە قايتارعانبىز".

قر ەلشىسىنىڭ ايتۋىنشا، باحرەين كورولدىگىنە ۆيزا جەڭىلدەتىلگەن. قىلمىسكەرلەر قىزداردى جۇمىسقا ورنالاستىرامىز دەپ الداپ شاقىرادى. سۇحباتتاسۋشىنىڭ ايتۋىنشا، ادام ساۋداسىمەن اينالىساتىن الەمدىك قىلمىستىق توپتىڭ جەلىسى بارىن ايتادى. بىزگە اتا-انالارى حابارلاستى، ال ءبىز ونداي مالىمەتتەرگە دەر كەزىندە ارەكەت جاسايمىز. ادەتتە قىلمىسكەرلەر قىزداردىڭ تولقۇجاتىن جانە اقشاسىن تارتىپ الادى، قوناقۇيلەر مەن كلۋبتاردا ءتانىن ساۋداعا سالۋدى ماجبۇرلەيدى. مەن سىزدەردىڭ سايت ارقىلى ەلىمىزدىڭ ازاماتتارىنا ساق بولۋدى، باحرەينگە شاقىرتۋ جاساسا بارلىق جاعدايدى ەسكەرۋدى ەسكەرتەمىز، سەبەبى بۇل شاقىرتۋلاردىڭ كوبىسى - الداۋ جانە سوڭى قىلمىستىق توپتىڭ جەلىسىنە جۇمىس جاساۋمەن اياقتالادى", - دەدى ول.

ەسكە سالايىق، وسىعان ۇقساس ءبىر وقيعا بويىنشا قازاقستاندىق بىر ايەل قىزداردى باحرەينگە سەكس-قۇلدىققا جىبەرگەنى ءۇشىن بەس جىلعا شارتتى تۇردە سوتتالعان ەدى. ءىس ماتەريالدارى بويىنشا، جاس قاراعاندىلىق قىز اشىق تۇردە قىزدارعا جەزوكشەلىكپەن اينالىسۋدى ۇسىنعان. قىزداردى جىبەرۋمەن ول جالعىز ءوزى عانا اينالىسپاعان، وعان باحرەيندە جىنىستىق قاتىناس قىزمەتىن كورسەتەتىن اپكەسى كومەكتەسكەن.

Abai.kz