مىڭبۇلاق اۋىلدىق وكرۋگىندە "قوعامدىق كەلىسىم جانە جاستار رەسۋرىستىق ورتالىعىنىڭ" ۇيىمداستىرۋى مەن "وتباسى، تاربيە، يماندىلىق-جارقىن بولاشاعىمىزدىڭ دىڭگەگى" اتتى جاستارمەن كەزدەسۋ جيىنى ءوتتى. بۇل تۋرالى بايدىبەك اۋدانى اكىمىنىڭ ءباسپاسوز قىزمەتى حابارلايدى.

اتالمىش كەزدەسۋ بارىسىندا قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ وڭتۇستىك قازاقستان وبلىسى ارىس قالالىق دەپورتامەنتىنىڭ بايدىبەك اۋدانداعى وكىلى – ش.بەكجانوۆ، بايدىبەك اۋداندىق ىشكى ىستەر باسقارماسىنىڭ جاسوسپىرىمدەر مەن كامەلەتتىك جاسقا تولماعاندار ءىسى جونىندەگى ينسپەكتور، پوليتسيا اعا لەيتەنانتى ءا.مۇستافاەۆ، اۋداندىق ايەلدەر كەڭەسىنىڭ ءتورايىمى ن.قىرىقباەۆا، اۋداننىڭ باس يمامى س. باينيازوۆ بايانداما جاساپ جاستار اراسىندا كەزدەسەتىن ءبىرشاما ماسەلەلەرگە توقتالىپ ءوتتى. بۇل جولعى كەزدەسۋدىڭ ماقساتى - قوعامىمىزدا كەزدەسەتىن كەلەڭسىز جاعدايلاردى، جاستاردى تۋرا جولعا سالۋ، اجىراسۋ جاعدايلارىن الدىن-الۋ، وتباسىنداعى تاربيەنى قالىپتاستىرۋ، يماندىلىققا بەت بۇرعىزۋ، كامەلەتتىك جاسقا تولماعان قىزدار اراسىنداعى مەزگىلسىز جۇكتىلىك پەن جاساندى تۇسىكتى بولدىرماۋ ماقساتىندا ماسەلەلەر تالقىلاندى.

ايتا كەتەيڭك، مۇنداي تاربيەلىك ماڭىزى زور شارالار بايدىبەك اۋدانىندا ءبىرىنشى مارتە ۇيمداستىرىلىپ وتىرعان جوق. وسىعان دەيىن اۋدان اكىمىنىڭ ۇيىمداستىرۋىمەن جاستارعا وتباسىلىق تاربيە بەرەتىن، جاستاردى وتانشىلدىققا جانە يماندىقىللا باعىت بەرەتىن جيىندار وتكىزىلىپ كەلگەن. بۇگىنگى ءىس-شارا سولاردىڭ جالعاسى بولدى.

دەرەككوزى: بايدىبەك اۋدانى اكىمىنىڭ ءباسپاسوز قىزمەتى

Abai.kz