دەنساۋلىق  پويىزى  وڭتۇستىكتىڭ  شالعاي  اۋىلدارىن  ارالاپ ء جۇر. بۇل  تۋرالى  «Abai.kz»  پورتالى  «otyrar.kz» سايتىنا سىلتەمە جاساي  وتىرىپ  حابارلايدى.

«دەنساۋلىق» پويىزى وڭتۇستىكتىڭ شالعاي اۋىلدارىندا مەديتسينالىق قىزمەت كورسەتۋدە. 21 شىلدەدەن باستالعان بۇل اكتسيا بۇگىن لەنگىر قالاسىنداعى توعىس ستانتساسىندا جالعاستى. تاڭعى ساعات 9-دان جۇمىسىن باستاعان دارىگەرلەرگە كەزەك كۇتكەن حالىقتىڭ قاتارى قالىڭ. باسىم بولىگى كارديولوگ، وفتولمولوگ سىندى مامانداردىڭ قابىلداۋىندا بولدى.

ءبىر تاۋلىكتىڭ ىشىندە دەنساۋلىق پويىزى 200 ادامعا دەيىن قابىلداۋدا. ايتا وتەيىك، تەمىرجول بويىنداعى مەديتسينا قىزمەتى ەرتەڭ تۇلكىباس اۋدانىنداعى ساستوبە ستانتسياياسىنا جول تارتادى. ياعني، 2 جانە 4 تامىز ارالىعىندا جەرگىلىكتى تۇرعىندارعا تاڭعى ساعات 09:00-دەن-18:00-گە دەيىن اقىسىز الەۋمەتتىك كومەك كورسەتىلەدى.

جانار شاعىرباەۆا، «دەنساۋلىق» پويىزىنىڭ باس دارىگەرى: » ءبىزدىڭ پويىزدا 15 مامان بار. ولار — كارديولوگ، وفتولمولوگ، ستاماتولوگ، تەراپەۆت، پەدياتر، نەۆروپاتولوگ، گينەكولوگ سىندى دارىگەرلەر. سونداي-اق، پويىزدا قاجەتتى مەديتسينالىق جابدىقتار ورناتىلعان. ماسەلەن، ەلفك جانە ۋزي، فليۋراگرافيا اپپاراتى بار. سونداي-اق، ارنايى قان تالدامالارىن جۇرگىزۋ ءۇشىن لابوراتوريا جۇمىس ىستەيدى».

ايتا كەتەيىك، ءىرى قالا ورتالىقتارىنىڭ تۇرعىندارىندا تۇراتىن مەكەن-جايىنا بايلانىستى كەز-كەلگەن مەديتسينالىق كومەك الۋ مۇمكىندىگى بار، ال ەگەر ءسىز كىشكەنتاي ەلدى مەكەندە تۇرساڭىز شە؟ جاي فليۋوروگرافيا نەمەسە اۋداندىق ەمحانادا اناليز تاپسىرۋ ءۇشىن، كىشكەنتاي ستانتسيا تۇرعىندارى ونداعان كم جەردى ءوتۋ كەرەك. دارىگەرگە قارالۋ مۇمكىندىگى بولماعان سەبەبىنەن، ادامدار ءجيى قارالۋىن كەيىنگە قالدىرىپ، اۋرۋلارىن ۋشىقتىرىپ الادى. ەكى جىل بۇرىن اق "قازاقستان تەمىر جولى" قر تجم بىرگە ەلىمىزدىڭ ەڭ شەتتەرىندە ورنالاسقان اۋداندارىنا بارىپ، شارۋا تۇرعىندارىن تەگىن ەمدەيتىن "ارنايى مامانداندىرىلعان مەديتسينالىق پويىزدار" جوباسىن شىعارعان بولاتىن. 

Abai.kz