ەلەكتروندىق ۇكىمەتتىڭ دامۋ دەڭگەيى تۋرالى ەسەبىنىڭ دەرەكتەرى بويىنشا قازاقستان ازيا مەملەكەتتەرىنىڭ اراسىندا 7 ورىندى يەلەندى. بۇدان جوعارى ساپتا تەك وڭتۇستىك كورەيا، سينگاپۋر، جاپونيا، يزرايل، باحرەين جانە بىرىككەن اراب ەميراتتارى ورنىقتى.

سونىمەن بىرگە بۇۇ-نىڭ جاھاندىق رەيتينگىسى بويىنشا قازاقستان 33 ورىندى يەمدەنىپ بارلىق تمد ەلدەرىنەن الدا ەكەنىن اتاپ وتكەن ءجون.

ەلەكتروندىق ۇكىمەتتىڭ دامۋ دەڭگەيى بويىنشا بيىلعى ەڭ ۇزدىك كورسەتكىش ۇلىبريتانيادا، ودان كەيىنگى كەزەك اۆستراليادا بولسا، ءۇشىنشى ورىندى وتكەن جىلداردىڭ كوشباسشىسى وڭتۇستىك كورەيا يەمدەنىپ وتىر. جاھاندىق رەيتينگ بويىنشا اقش - 12 ورىن، رەسەي - 35 ورىن، قىتاي - 63, وزبەكستان مەن قىرعىزستان - 80 مەن 97 ورىنداردا.

بۇۇ-نىڭ ەلەكتروندىق ۇكىمەت دامۋ يندەكسى (The UN Global E-Government Development Index نەمەسە EGDI) دەگەنىمىز – مەملەكەتتەردىڭ ازاماتتارعا اقپاراتتىق جانە كوممۋنيكاتسيالىق تەحنولوگيالارى ارقىلى مەملەكەتتىك قىزمەتتەردى قامتاماسىز ەتۋدىڭ الەۋەتى مەن ازىرلىگىن باعالايتىن كەشەندى كورسەتكىش. وسىلايشا، 2016 جىلى قازاقستاننىڭ كومپوزيتتىك يندەكسى 0,7250 ۇپاي قۇراسا، جاھاندىق ورتاشا EGDI 0,4922 ۇپاي دەڭگەيىنە بەكىتىلگەن. بۇل يندەكس ادام كاپيتالىنىڭ دامۋى، تەلەكوممۋنيكاتسيالىق ينفراقۇرىلىم مەن ونلاين قىزمەتتەر ىسپەتتى 3 كورسەتكىشتەن قۇرىلادى. رەيتينگ پەن وعان قاتىستى كورسەتكىشتەر ءار ەكى جىل سايىن بۇۇ ساراپشىلارىمەن ەسەپتەلىپ دايىندالادى.

اباي-اقپارات