ورداباسىدا «جۇمىسپەن قامتۋ 2020 جول كارتاسى» باعدارلاماسىمەن تۇراقتى جۇمىسقا تۇرعان ازاماتتاردىڭ سانى ارتۋدا. بۇل تۋرالى «Abai.kz» پورتالى وڭتۇستىك قازاقستان وبلىسى اكىمىنىڭ ء باسپاسوز قىزمەتىنە سىلتەمە جاساي وتىرىپ حابارلايدى.

«جۇمىسپەن قامتۋ 2020 جول كارتاسى» باعدارلاماسىنىڭ 3 باعىتى بويىنشا بيىل ورداباسى اۋدانىنىڭ ۆەتەرينارلىق قىزمەتىنە 30 ازامات تۇراقتى جۇمىسقا ورنالاستى. 

باعدارلاما اياسىندا 2012 -2013 جىلدارى كاسىبي دايارلاۋعا شىمكەنت اگرارلىق كوللەدجىنە جولدانعان ازاماتتار بۇگىندە ديپلومىن الىپ، اۋدانعا ورالدى. 15 ازامات سانيتار – ۆەتەرينار، فەلدشەر – ۆەتەرينار ماماندىقتارى بويىنشا تۇراقتى جۇمىسقا ورنالاستى. 

جالپى اۋدان بويىنشا جىل باسىنان «جۇمىسپەن قامتۋ 2020» مەملەكەتتىك باعدارلاماسىنا قاتىسۋعا 1076 ادام ءوتىنىش ءبىلدىرىپ، بارلىعى باعدارلاما قۇرامىنا تارتىلدى. 

جاڭا جانە بوس جۇمىس ورىندارىنا 544 ادام جولداندى. مەملەكەتتىك جانە سالالىق باعدارلامالار بويىنشا 220 جۇمىس ورنى اشىلسا، بوساعان 324 جۇمىس ورنىنا ازاماتتار جولدانىپ، بارلىعى تۇراقتى جۇمىسقا ورنالاستى.

جۇمىسپەن قامتۋدىڭ بەلسەندى ساياساتىن جۇرگىزۋ قازاقستان رەسپۋبليكاسىنىڭ ۇكىمەتى قىزمەتىنىڭ نەگىزگى الەۋمەتتىك باسىمدىقتارىنىڭ بىرىنە جاتادى. لايىقتى جۇمىسپەن قامتۋدى قامتاماسىز ەتۋ – حالىقتى الەۋمەتتىك قورعاۋدىڭ نەگىزى، ادام رەسۋرستارىنىڭ الەۋەتىن دامىتۋدىڭ جانە ىسكە اسىرۋدىڭ ماڭىزدى شارتى، قوعام يگىلىگىن ءوسىرۋدىڭ جانە ءومىر ءسۇرۋ ساپاسىن ارتتىرۋدىڭ نەگىزگى قۇرالى. 

باعدارلاما داعدارىسقا قارسى دەن قويۋ تەتىكتەرىن، ەڭبەك نارىعىن رەتتەۋدىڭ تيىمدىلىگىن ارتتىرۋ، ونىڭ ىشىندە ەڭبەك نارىعىن بولجاۋ جانە مونيتورينگىلەۋ، تابىسى از، جۇمىسسىز مەن ءوزىن-ءوزى جۇمىسپەن قامتىعان حالىقتى جۇمىسپەن  قامتۋدىڭ بەلسەندi شارالارىنا تارتۋ تەتىكتەرىن قامتيدى

باعدارلاما ماقساتى - جۇمىسپەن تۇراقتى جانە ناتيجەلi قامتۋدى ۇيىمداستىرۋ، جۇمىسسىزدىق دەڭگەيىنىڭ ءوسۋىن تومەندەتۋ جانە وسۋىنە جول بەرمەۋ ارقىلى حالىقتىڭ ءال-اۋقاتىن ارتتىرۋعا جاردەمدەسۋ.

باعدارلامانىڭ مiندەتتەرi:

• ەكونوميكا سالالارىنىڭ بىلىكتى كادرلارعا قاجەتتىلىگىن بولجاۋ تيىمدىلىگىن قامتاماسىز ەتۋ;
• جۇمىس (تۇراقتى، ۋاقىتشا) ورىندارىن قۇرۋدى جوسپارلاۋدى ۇيلەستىرۋ;
• قازاقستانداعى الەۋمەتتىك-ەكونوميكالىق احۋال ءۇشىن عالامدىق داعدارىستىڭ ىقتيمال تەرىس سالدارىن تومەندەتۋ جانە ەكونوميكالىق ءوسۋ ءۇشىن قاجەتتى نەگىزدى قامتاماسىز ەتۋ;
• كاسىپكەرلىك بەلسەندىلىكتى دامىتۋ;
• وبلىسىشىلىك جانە اۋدانىشىلىك كوشى-قوندى جوسپارلاۋ ەسەبىنەن ەڭبەك رەسۋرستارىنىڭ كاسىپتىك جانە اۋماقتىق ۇتقىرلىعىن ارتتىرۋ;
• جۇمىس ىستەيتىن جاستاردىڭ ۇتقىر بولىگىنىڭ بەيىمدەلۋى جانە ءومىر ءسۇرۋى ءۇشىن جاعداي جاساۋ;
• ءوزىن-ءوزى جۇمىسپەن قامتىعان حالىقتى ناتيجەلى جۇمىسپەن قامتۋدى ارتتىرۋ، ولاردىڭ مارتەبەسىن زاڭداستىرۋ;
• الەۋمەتتىك قولداۋ شارالارىنىڭ اتاۋلىلىعىن كۇشەيتۋ، ماسىلدىقتى تومەندەتۋ جانە ەڭبەك بەلسەندىلىگىن ىنتالاندىرۋ.

تولىق اقپاراتتى وقو كاسىپكەرلەر پالاتاسى جانە كاسىپكەرلەرگە قىزمەت كورسەتۋ ورتالىعىندا بىلە الالاسىزدار.

Call-center:  8 (7252) 995501, 998080

قابىلداۋ كۇندەرى:

دس-جم 9.00-18.00

ءۇزىلىس 13.00-15.00

اباي-اقپارات