«وبلىس اكىمى مەديتسينالىق ساراپتامانىڭ ناتيجەلەرىن وقىپ بەردى. وندا كامەلەت جاسقا تولماعان قىزدى زورلاۋ فاكتىسى راستالماعانى ايتىلعان. ول وقيعانىڭ قىلمىستىق سيپاتىنا باسا نازار اۋدارىپ، اۋىل تۇرعىندارىن قاۋەسەتكە سەنبەۋگە شاقىردى»، - دەپ حابارلادى وبلىس اكىمشىلىگىنىڭ ءباسپاسوز قىزمەتى.

حالىق الدىندا وبلىس پروكۋرورى يبراگيم يمانوۆ ءسوز سويلەپ، «تۇراقتىلىقتى ساقتاۋ جانە زاڭسىزدىقتى جويۋ» شارالارى قولدانعانىن ايتتى.

ەراليەۆ اۋىلدىق وكرۋگىنداعى تولقۋلار 1 تامىزعا قاراعان تۇندە باستالعان. وعان اۋىلدا جاس قىزدى ءجاسوسپىرىم زورلاپ كەتتى دەگەن اڭگىمەنىڭ تارالۋى سەبەپ بولعان. جاپپاي تارتىپسىزدىك سالدارىنان، پوليتسيا مالىمەتى بويىنشا، ءۇش ادام جارالاندى. 2 تامىزدا تۇندە ديقان اۋىلىنداعى ءۇش ءۇي جانە بىرنەشە اۆتوكولىك ورتەندى. پوليتسيا قىزمەتكەرلەرىنىڭ پىكىرىنشە، قازىر جاعداي تۇراقتانعان، بىراق ازاتتىق ءتىلشىسىنىڭ مالىمەتىنە قاراعاندا، سەيفۋللين اۋىلىنا اسكەري تەحنيكا ەنگىزىلىپ، سىرتتان ەشكىمدى كىرگىزبەي ۇستاپ تۇر.

Abai.kz