مامىر ايىندا «حالىق پارلامەنتىنىڭ» ەڭ بەلسەندى مۇشەلەرى - بەكبولوت تالگاربەكوۆ، توروباي كولۋباەۆ، الەكساندر گۋسەۆ جانە مارات سۋلتانوۆتار ۇستالعان ەدى. ولار قولعا ءتۇسىرۋ قارساڭىندا ينتەرنەتتە ۇيىم مۇشەلەرىنىڭ ءوزارا اڭگىمەلەرىنىڭ بەينە جانە اۋديوتاسپالارى جاريالاندى.

پارلامەنتتىڭ بۇرىنعى سپيكەرى، قوعام بەلسەندىسى مۋكۋر چولپونباەۆ تەرگەۋدىڭ ۇزاققا سوزىلۋىن سالماقتى دالەل بولماعاندىعىمەن تۇسىندىرەدى. «مەنىڭ ويىمشا، ولاردىڭ كىناسىن دالەلدەي المايدى، ويتكەنى ولاردىڭ اڭگىمەلەرىنىڭ تاسپاسىنان باسقا دالەل جوق. ەكىنشىدەن، بيلىككە قارسى شىققانداردىڭ ءبارىن وسىنداي جازا كۇتىپ تۇرعانىن كوپشىلىككە ادەيى كورسەتىپ وتىر. ولار كونستيتۋتسيانى قازىر وزگەرتكىلەرى كەلەدى. قۋدالاۋلاردىڭ سوعان قاتىسى بولۋى مۇمكىن»، - دەدى ول.

دەگەنمەن پارلامەنت دەپۋتاتى المامبەت شىكماماتوۆتىڭ پىكىرىنشە، ءىس سوتقا دەيىن جەتسە، كوپ نارسەنىڭ بەتى اشىلىپ قالۋى مۇمكىن.

«حالىق پارلامەنتى» بيىل ءساۋىر ايىندا قۇرىلعان. ۇيىم بيلىككە دە، وپپوزتسياعا دا جاتپايتىنىن حابارلادى. قوزعالىس مۇشەلەرى استانانىڭ باس الاڭىنا 50-60 مىڭ ادامدى ميتينگكە جيناۋدى كوزدەگەن، ال ونىڭ جەتەكشىسى بەكبولوت تالگاربەكوۆ ۇيىمدى بيلىككە جاقىن رەسەيلىك گەنەرالدار قولدايدى دەپ مالىمدەگەن.

اباي-اقپارات