رەسەيلىك تانىمال بلوگەر دميتري يۆانوۆ ساۋىردەگى تولقۋلار تۋرالى رەسەيلىك "ەۋرازيا" ارناسىنىڭ سەنساتسيالىق سيۋجەتىن اجۋالاعان بەينە جازبا جاريالادى.

الەۋمەتتىك جەلىدە "Kamikadzedead" دەگەن اتپەن تانىمال بلوگەر قازاقستانداعى ارنانىڭ "جاپتىم جالا، جاقتىم كۇيە" سيۋجەتىنە قاتىستى تالداۋ جاساپتى. بەينە جازبادا اۆتور "ادامداردىڭ ميلارىن ۋلاۋدا كىمدەردىڭ ءتاسىلى كۇشتى؟ رەسەيدىڭ بە، الدە قازاقستاننىڭ با؟",-دەپ سۇرايدى.

ەستەرىڭىزدە بولسا، رەسەيلىك "ەۋرازيا" ارناسى ساۋىردە اتىراۋ قالاسىندا بولعان بەيبىت ميتينگتەن كەيىن الدەبىر "بەسىنشى كولوننا باسشىلارى الاڭعا شىققان ازاماتتارعا 100 اقش دوللارىنان ۇلەستىردى" دەپ ايىپتاعان-تىن. 

رەسەيلىك ارنانىڭ ايىپتاۋىنان كەيىن قازاقستاندىقتار اراسىندا "ەۋرازيا" ارناسى مەن ونىڭ جۇرگىزۋشىلەرى ا.شاۋكەنتاەۆا مەن ر.سمىقوۆقا قارسى نارازىلىق ارتقان. ءتىپتى بەلسەندىلەر "ەۋرازيا" ارناسى مەن ونىڭ جۇرگىزۋشىلەرىن سوتقا بەرگەن ەدى.

نۇرزات توعجان

Abai.kz