ءسوز بوستاندىعى ءۇشىن كۇرەسىپ جۇرگەن ازاماتتىق قوعام بەلسەندىسى ەرمەك نارىمباەۆ جاقىندا قازاقستاندى تاستاپ قاشىپ، ۋكرايناعا قونىس اۋدارعان-تىن. نارىمباەۆتىڭ ءوزى مۇنى – قازاقستانداعى رەجيم قىسىمىنا شاداماعاندىعىمەن تۇسىندىرگەن.

جاقىندا «365info.kz» پورتالى نارىمباەۆتىڭ تولەنبەگەن نەسيەسىنە بولا، ايەلى مەن بالالارىن تاستاپ كەتكەنىن جازادى.

راس، بىزگە بەلگىلى بەلسەندى نارىمباەۆ قازاقستاندا جۇرگەن كەزدە ءسوز بوستاندىعى مەن ادام قۇقىعىن قورعاۋ جولىندا قۇزىرلى ورگاندارمەن تالاي رەت تەكەتىرەسىپ، سول ءۇشىن اكىمشىلىك جازاعا دا تارتىلعان.

اسىرەسە «فەيسبۋك» جەلىسىندەگى جەكە پاراقشاسىندا جازباسى ءۇشىن ونىڭ ۇستىنەن ءىس قوزعالعانى تاعى بار. ساراپشىلاردىڭ جازۋىنشا، سول ءبىر جازباسى ءۇشىن نارىمباەۆ تەمىر تورعا توعىتىلۋى دا بەك مۇمكىن ەدى.

«365info.kz» پورتالىنىڭ جازۋىنشا، نارىمباەۆ ۋكرايناعا كەتكەننەن كوپ ۇزاماي-اق، قازاقستاندا ونىڭ ايەلى، ءۇش بالاسى قالعاندىعىن جانە تولەنبەگەن نەسيەسى بارىن جازادى. ءبىر قىزىعى بەلسەندى نارىمباەۆ ۋكرايناعا رەجيممەن كۇرەس جولىنداعى جاس ارىپتەسى – 28 جاستاعى ءمولدىر ءادىلوۆانى ەرتىپ كەتكەن كورىنەدى. ءمولدىر ءادىلوۆا – الماتىداعى جەر داۋىنا قاتىستى ميتينگتە قامالىپ، 15 تاۋلىك اباقتىدا وتىرىپ شىققان.

حوش، بۇل ەرمەك پەن ءمولدىردىڭ ءوز شارۋاسى بولسا كەرەك.

«مەن ايەلىم مەن بالا-شاعامدى تاستاپ، جاس قىزبەن كەتە المايتىن ەدىم. ونىڭ ۇستىنە تولەنبەگەن نەسيەمدى ولارعا مىندەتتەپ كەتۋىم مۇمكىن ەمەس دۇنيە. مىنە ەندى مۇحتار تايجان دا مەنىڭ توسەگىمدى تەكسەرە باستاپتى. مەنىڭ اجىراسىپ كەتكەنىمە 1,5 جىلدان اسسا دا، مەنىڭ كىممەن جاتىپ، كىممەن تۇرۋىمدى، كىممەن اجىراسىپ، كىممەن وتاسۋىمدى تالقىلاپ، مەنىڭ شۇعىل كوشىپ كەتۋىمە قاتىستى وزىنشە موتيۆ قۇراستىرىپ جاتىر ەكەن. وپپوزيتسيا لاگەرىندە نە بولىپ جاتىر ءوزى؟! ءوزى دە سونى تۇسىنبەي، ءوزىنىڭ اكەسىنە، قۇرمەتتى بولاتحان تايجان مىرزاعا  جانە ونىڭ ەكىنشى ايەلىنە، جەسىرىنە، ءوزىنىڭ ەكىنشى شەشەسىنە ءسوز تيگىزىپ وتىر.  مەن نە ءبارى ءۇشىن جاۋاپ بەرۋىم كەرەك پە؟!»، - دەپتى ەرمەك نارىمباەۆ.

(ەرمەك پەن ءمولدىر. سۋرەت "ازاتتىق" سايتىنان الىندى)

«تەپەر ۆوت ي مۋحتار تايجان ستال كوپاتسيا ۆ چۋجوم گريازنوم بەلە، تەپەر زالەزايا ۋجە ۆ مويۋ پوستەل (پوسلە رازۆودا 1,5 گودا نازاد), س كەم يا موگۋ ي نە موگۋ سپات، جيت، رازۆوديتسيا، جەنيتسيا، دەلاەت سۆوي گريازنىە يزمىشلەنيا وتنوسيتەلنو موتيۆوۆ ي تسەلەي موەي ەكسترەننوي ەۆاكۋاتسي. چتو زا ح*** ۆووبششە تۆوريتسيا ۆ ەتوم لاگەرە «وپپوزيتسي»؟ وپۋستيلسيا نيجە پلينتۋسا. سام توگو نە پونيمايا، ون وسكوربلياەت سۆوەگو وتتسا، ۋۆاجاەموگو بولاتحانا تايجانا ي ەگو 2-يۋ جەنۋ، ۆدوۆۋ، سۆويۋ 2-يۋ مامۋ. منە چتو پو ۆسياكوي ح***ە وپراۆدىۆاتسيا؟»

ال جەر رەفورماسى جونىندەگى كوميسسيا مۇشەسى، ساياساتكەر مۇحتار تايجان نارىمباەۆتىڭ ۋكرايناعا قونىس اۋدارۋىنا قاتىستى: «نارىمباەۆ ءماجبۇرلى تۇردە ءوزىنىڭ تولەنبەگەن نەسيەسى بارىن مويىنداپ وتىر. ەندى ونىڭ نەسيەسى ونىڭ ايەلى مەن بالا-شاعاسىنىڭ موينىندا قالدى جانە سول ءۇشىن نارىمباەۆتىڭ ءۇش بالاسى مەن ايەلى جالعىز پاتەرىنەن ايىرىلىپ قالۋى دا مۇمكىن. نەسيەسىن تولەۋگە نارىمباەۆتىڭ جاعدايى جوق.  جاس كوڭىلدەسىن ەرتىپ، قازاقستاننان قاشىپ كەتۋىنە دە وسى فاكتور سەبەپ بولسا كەرەك»، -دەپتى.

نۇرزات توعجان

Abai.kz