وڭتۇستىك قازاقستان وبلىسى دەلەگاتسياسىنىڭ اۆسترياعا ىسكەرلىك ساپارى شەڭبەرىندە وڭتۇستىك قازاقستان وبلىسىنىڭ جاڭارتىلمالى ەنەرگيا كوزدەرى (بۇدان ءارى جەك) سالاسىنداعى دامۋ الەۋەتى تانىستىرىلدى. اۆستريالىق ينۆەستورلار مەن ەنەرگەتيكالىق كومپانيالار وكىلدەرىن ءبىزدىڭ ءوڭىردىڭ كليماتتىق ەرەكشەلىكتەرى مەن بالامالى ەنەرگەتيكانىڭ بارلىق تۇرلەرىن دامىتۋ مۇمكىندىگى قىزىقتىردى. سونداي-اق، اۆستريالىق ينۆەستورلار قازاقستاننىڭ «جاسىل ەكونوميكا» تاقىرىبىندا ەكسپو-2017 حالىقارالىق كورمەسىن وتكىزۋ ماڭىزدىلىعىن اتاپ ءوتتى. 

جەك سالاسى اۆستريادا جوعارى دامىعان، مۇنى كارينتيا فەدەرالدى جەرى ۇكىمەتىنىڭ الداعى 19-20 جىلدا ءداستۇرلى ەلەكتروەنەرگيا كوزدەرىنەن «جاسىل» ەنەرگەتيكا كوزدەرىنىڭ پايداسىنا تولىعىمەن باس تارتۋ  جوسپارلارى كورسەتىپ وتىر.

وقو دەلەگاتسياسى جىلدىق اينالىمى 11 ميلليارد اقش دوللارىن قۇرايتىن HELIOVIS زاماناۋي كۇن ەلەكتروستانتسياسىنا باردى. كاسىپورىننىڭ بىرەگەيلىگى، ەلەكتروستانتسيادا كۇن كونتسەنتراتورىنىڭ جاڭا ءتيپى - HelioTube ورناتىلعاندىعى بولىپ تابىلادى. اتالعان كونتسەنتراتور ءتيپى رەسۋرستار شىعىنىن 55 پايىزعا دەيىن ۇنەمدەۋگە مۇمكىندىك بەرەدى، ياعني كومىرقىشقىل گازىنىڭ شىعارىلۋى قاراپايىم كۇن پانەلدەرىنەن اناعۇرلىم تومەن.

بۇل رەتتە، وڭتۇستىك قازاقستان وبلىسىندا ەلەكتروەنەرگيانىڭ ايتارلىقتاي جەتىسپەۋشىلىگى تۋىنداپ وتىرعاندىعىن اتاپ وتۋگە بولادى. ىشكى جۇيەلەر ءوڭىردىڭ ەلەكتروەنەرگيا قاجەتتىلىگىنىڭ تەك جارتىسىن عانا قامتاماسىز ەتىپ وتىر. ەلەكتروەنەرگياسىنىڭ جەتىسپەۋشىلىگى نەگىزىنەن جاقىن وڭىرلەردەن جەتكىزىلۋ ارقىلى ورنى تولتىرىلىپ وتىر. ەكىجاقتى كەلىسىم مەن ىنتىماقتاستىق نەگىزىندە الداعى ۋاقىتتا اتالمىش ولقىلىقتاردىڭ ورنى تولارى ءسوزسىز.

ەلەكتروەنەرگياسىنىڭ جەتىسپەۋشىلىگىن جويۋ ءۇشىن ءوڭىردىڭ تابيعي الەۋەتىن، ياعني جىلىنا 300 كۇن شىعىپ تۇراتىن كۇن شۋاعىن پايدالانۋ جوسپارلانۋدا.

تۇتاستاي العاندا، وڭتۇستىك قازاقستان وبلىسىندا جاڭارتىلمالى ەنەرگيا كوزدەرىن پايدالانۋ كەڭ اينالىم الىپ كەلەدى. قازىرگى تاڭدا، وبلىستا جاڭارتىلمالى ەنەرگيا كوزدەرى سالاسىندا 27 جوبا ىسكە اسىرىلۋدا، ونىڭ ىشىندە 11 جوبا كۇن ەلەكتروستانتسيالارىنىڭ قۇرىلىسىنا باعىتتالعان.

شاديار مولدابەكوۆ

Abai.kz