وڭتۇستىك قازاقستان وبلىسى، سوزاق اۋدانىندا جۋىردا كۇن ساۋلەسىن پايدالانۋ ارقىلى ەلەكتر ەنەرگياسىن وندىرەتىن ستانتسيا سالىنباق. ستانتسيانىڭ سالىنۋىنا ءسىرا وڭتۇستىك ءوڭىردىڭ اۋرايىنىڭ ەرەكشەلىگى، ايماقتىڭ جىل ون ەكى ايدا كۇننىڭ مول شاپاعىنا ورانىپ تۇراتىنى ەسكەرىلسە كەرەك.

گەرمانيالىق «Green Energy 3000 Holding» حولدينگى اتالمىش جوبانىڭ ىسكە اسىرىلۋىنا نيەت ءبىلدىرىپ وتىر. تەرىسكەيگە كۇن قۋاتىمەن ەلەكتر ەنەرگياسىن وندىرەتىن ستانتسيا سوعۋعا بايلانىستى گەرمانيالىق حولدينگ پەن اۋدان اكىمدىگىنىڭ اراسىندا كەلىسسوزدەر بىرنەشە جىلدان بەرى ءجۇرىپ كەلەدى.

ستانتسيا سوعۋ تۋرالى كەلىسىم اتالعان حولدينگتىڭ قازاقستانداعى وكىلى اقىلبەك ساماتۇلى مەن اۋدان اكىمى ماقسات يساەۆتىڭ ەكەۋارا كەزدەسۋ بارىسىنان كەيىن بەلگىلى بولدى. قازىرگى تاڭدا گەرمانيالىق «GreenEnergy 3000 Holding» حولدينگىنە قاراستى كومپانيا سوزاق اۋدانى «يۋكسەس-50» جشس  فيليالى جوباسىنىڭ قۇرىلىس جۇمىستارىن جۇرگىزۋگە ءازىر. قاجەتتى قۇجاتتاردى ازىرلەسە، ستانتسيانىڭ قۇرىلىس جۇمىستارى وسى جىلدىڭ قاراشا ايىندا باستالىپ، 200-گە تارتا جۇمىسشى تارتىلادى دەپ كۇتىلۋدە. كەلەر جىلى تولىق قۋاتىمەن جۇزەگە اساتىن جوبادا 50 ادام تۇراقتى جۇمىسپەن قامتىلماق.

ايتا كەتۋىمىز كەرەك  50 مۆت ەلەكتر ەنەرگياسىن وندىرەتىن جوبانىڭ نەگىزگى تۇتىنۋشىسى  «KEGOC» اق بولماق. 

شاديار مولدابەكوۆ

Abai.kz