ريو-دە-جانەيرودا وتكەن XXI جازعى وليمپيادا ويىندارىنا قازاقستان اتىنان 104 سپورتشى قاتىسقان بولاتىن. ونىڭ ىشىندە 17-ءسى جۇلدەلى ورىندارعا يە بولدى. ەندى قازاقستان رەسپۋبليكاسىنىڭ زاڭىنا سايكەس سپورتشىلارعا مەملەكەت تاراپىنان سىياقى بولىنەدى.

قازاقستان وليمپيادا ويىندارىندا التىن مەدال العان سپورتشىعا 250 مىڭ دوللار، كۇمىسكە – 150 مىڭ دوللار، قولا مەدال العان سپورتشىعا – 75 مىڭ دوللار سىياقى تاعايىنداعان. سونداي-اق جۇلدەگە ىلىكپەسە دە العاشقى بەستىككە ەنگەن سپورتشىلار بار. ولارعا دا سىياقى بەرىلەدى.

جۇلدەگە ىلىكپەسە دە، مەملەكەت تاراپىنان قارجىلاي سىياقى الاتىن سپورتشىلار:

بوكس

ءبىرجان جاقىپوۆ – 5-ءشى ورىن (10 مىڭ دوللار)

جاينا شەكەربەكوۆا – 5-ءشى ورىن (10 مىڭ دوللار)

جانىبەك ءالىمحانۇلى – 5-ءشى ورىن (10 مىڭ دوللار)
كۇرەس

عالىمجان وسەرباەۆ – 5-ءشى ورىن (10 مىڭ دوللار)

جۇلدىز ەشىموۆا – 5-ءشى ورىن (10 مىڭ دوللار)

المات كەبىسپاەۆ – 5-ءشى ورىن (10 مىڭ دوللار)
اۋىر اتلەتيكا

مارگاريتا ەليسەەۆا – 5-ءشى ورىن (10 مىڭ دوللار)

ارلي چونتەي – 4-ءشى ورىن (30 مىڭ دوللار)

دەنيس ۋلانوۆ – 4-ءشى ورىن (30 مىڭ دوللار).

ايتا كەتەيىك، قازاقستان رەسپۋبليكاسىنىڭ 2014 جىلعى 3 شىلدەدەگى № 228-V قر زاڭىنا سايكەس وليمپيادا چەمپيوندارى مەن جۇلدەگەرلەرىنە قارجىلاي سىياقىدان بولەك، جەرگىلىكتى اكىمدىك تاراپىنان پاتەر بەرىلەدى. تيىسىنشە، چەمپيونعا ءۇش بولمەلى پاتەر، كۇمىس مەدالعا ەكى بولمەلى، قولا جۇلدە العان سپورتشىعا ءبىر بولمەلى پاتەر بەرىلەدى.

ريو وليمپياداسىندا قازاقستان قۇراماسى ساپىنان مىنا سپورتشىلار جۇلدەگە قول جەتكىزدى: 77 كەلىگە دەيىنگى سالماقتا سىنعا تۇسكەن اۋىر اتلەتنيدجات راحيموۆ (96 كەلى), 200 مەترگە براسس ادىسىمەن جۇزۋدەدميتري بالاندين جانە 69 كەلى سالماقتا سىنعا تۇسكەن بوكسشى دانيار ەلەۋسىنوۆ وليمپيادا ويىندارىنىڭ چەمپيونى (69 كەلى) اتاندى. بۇل سپورتشىلاردىڭ بارلىعى وليمپيادا ويىندارىنداعى تۇڭعىش جۇلدەلەرىن يەلەنىپ وتىر. دانيار ەلەۋسىنوۆ 64 كەلى سالماقتا لوندون وليمپياداسىنا قاتىسىپ، جەڭىلىپ قالعان ەدى.

ال 60 كەلى سالماقتا دزيۋدوشى ەلدوس سمەتوۆ (60 كەلى), بوكسشى ۆاسيلي لەۆيت (91 كەلى) پەن ادىلبەك نيازىمبەتوۆ (81 كەلى), ەركىن كۇرەس شەبەرىگيۋزەل مانيۋروۆا (75 كەلى) جانە اۋىر اتلەت (69 كەلى) جازيرا جاپپارقۇل وليمپيادا ويىندارىنىڭ كۇمىس جۇلدەگەرى اتاندى. كۇمىس جۇلدەگەرلەردىڭ اراسىندا ادىلبەك نيازىمبەتوۆ پەن گيۋزەل مانيۋروۆا ەكى وليمپيادا قاتارىنان تۇراقتى تۇردە جۇلدە الىپ وتىر. بوكسشى ادىلبەك لوندون وليمپياداسىندا (2012) ءدال وسى سالماقتا كۇمىس يەلەنسە، گيۋزەل مانيۋروۆا ءتورت جىل بۇرىن قولا ەنشىلەگەن. ال جازيرا جاپپارقۇل بۇعان دەيىن تەك 2010 جىلى جاسوسپىرىمدەر وليمپياداسىندا عانا توپ جارعان.

ەل قورجىنىنا قولا جۇلدەنى اۋىر اتلەتتەر كورينا گوريچەۆا (63 كەلى),فارحاد حاركي (62 كەلى), الەكساندر زايچيكوۆ (105 كەلى) جانە ەركىن كۇرەس شەبەرى ەلميرا سىزدىقوۆا (69 كەلى), ەكاتەرينا لاريونوۆا (63 كەلى) دزيۋدوشى وتگونتسەتسەگ گالبادراح (48 كەلى) جانە جەڭىل اتلەت ولگا رىپاكوۆالار سالدى. بۇل سپورتشىلاردىڭ اراسىندا ولگا رىپاكوۆا قازاقستان تاريحىندا جەڭىل اتلەتيكادان ەكى وليمپيادادا قاتارىنان جۇلدە العان العاشقى سپورتشى اتاندى. سونداي-اق، بۇل قاتاردا 20 تامىز كۇنى قولا جۇلدە العان بوكسشى يۆان دىچكو (91 كەلى) مەن ايەلدەر اراسىنداعى بوكس باسەكەسىندە وزا شاپقان داريعا شاكىموۆا دا (75 كەلى) بار. داريعا شاكىموۆا قازاق قىزدارىنىڭ اراسىنان العاش بوكستان وليمپيادا ويىندارىنىڭ جۇلدەگەرى اتاندى. يۆان دىچكو بۇعان دەيىن لوندون وليمپياداسىندا دا وسى سالماقتا قولا جەڭىپ العان ەدى.

بۇل قازاقستان تاۋەلسىز مەملەكەت رەتىندە قاتىسقان 6-شى جازعى وليمپيادا ويىندارى. قازاقستان 1996 جىلعى اتلانتا وليمپياداسىنان بەرى تۇراقتى تۇردە جاھاننىڭ باستى سپورتتىق ويىندارىنا قاتىسىپ كەلە جاتىر.

دەرەككوزى: Stan.kz