قالا اۋماعىندا ورنالاسقان 250 جۋىق كاسىپورىندار مەن مەكەمەلەردەن 2000 استام جۇمىس ورىندارى ۇسىنىلعان ءىرى جارمەڭكە ءوتتى. ەلباسىنىڭ «جۇمىسپەن قامتۋ-2020 جول كارتاسى» باعدارلاماسىن جۇزەگە اسىرۋ ماقساتىندا قالالىق جۇمىسپەن قامتۋ ورتالىعى مەن وبلىستىق جاستار ورتالىعى جانە كاسىپكەرلەر پالاتاسىمەن بىرىگىپ وتكىزگەن شارادا شاھارداعى مۇمكىندىگى شەكتەۋلى جانە جۇمىسسىز ازاماتتارعا، سونىمەن قاتار جاڭادان وقۋ ورنىن بىتىرگەن تۇلەكتەرگە ارنالعان بوس جۇمىس ورىندارى جاريالاندى.

ەلباسى تاپسىرمالارىندا ايتىلعان تۇرعىنداردىڭ جۇمىسپەن قامتۋ دەڭگەيىن باقىلاۋ ماقساتىندا شىمكەنت قالاسىنىڭ اكىمى عابيدوللا ءابدىراحىموۆ ورتالىق ساياباقتاعى ءىس-شاراعا قاتىستى. ءارى بوس جۇمىس ورىندارىن ىزدەگەن جاستاردىڭ ءوز ماماندىقتارى بويىنشا جاقسى جۇمىسقا ورنالاسۋىنا ساتتىلىك تىلەدى.

اتاپ ايتار بولساق، قالانىڭ جۇمىسپەن قامتۋ ورگاندارى الدىنا ۋاقىتقا اۋقىمدى جوبالار ازىرلەپ، جىلدىق جوسپارعا سايكەس باعدارلاما شەڭبەرىندە 4443 ازاماتتى تۇراقتى جۇمىسقا، 1160 ازاماتتى الەۋمەتتىك جۇمىس ورىندارىنا، جاستار پراكتيكاسىنا 2070 جاس تۇلەكتى، كاسىبي وقىتۋ 160 جۇمىسسىزداردى، 500 ازاماتتى قوعامدىق جۇمىستارعا تارتۋدى جوسپارلانعان.

 اتالعان جارمەڭكە قالا اۋماعىندا وسىمەن ءۇشىنشى رەت جالعاسىن تابۋدا. قۋانتارلىعى، وسى ءىس-شارا اياسىندا الداعى ۋاقىتتا «نۇر وتان» پارتياسىنىڭ ورتالىق اپپارات مۇشەلەرىنىڭ ۇيىمداستىرۋىمەن «جۇمىسپەن قامتۋ-2020 جول كارتاسىن جۇزەگە اسىرۋ بويىنشا ازاماتتاردى بىرىڭعاي قابىلداۋ كۇنى» رەسپۋبليكالىق اكتسياسىن وتكىزۋ جوسپارلانعان.     

اباي اقپارات