كۇرىش پەن ماقتادان بولەك شاردارالىقتار كوپ جىلدىق ەكپەلەرگە كوڭىل بۇرا باستادى. سوڭعى ءبىر جىلدىڭ كولەمىندە ق.تۇرىسبەكوۆ اۋىلدىق وكرۋگىندە 220 گەكتارعا، جاۋشىقۇم اۋىلىندا 55 گەكتارعا، قوسسەيىت اۋىلىندا 13 گەكتارعا ءجۇزىم كوشەتتەرى وتىرعىزىلدى. ال، ق.تۇرىسبەكوۆ اۋىلدىق وكرۋىگىنىڭ تۇرعىنى ا.يبادۋللاەۆ 10 گەكتار القاپقا المانىڭ «پاۆلينكا» دەپ اتالاتىن سورتىن ءوسىرۋدى قولعا الدى.

اۋداندا 2010 جىلدان بەرى جالپى كولەمى 1097 گەكتار جەرگە جەمىس-جيدەك اعاشتارى وتىرعىزىلىپ، باعباندار ءونىم الىپ كەلەدى. اۋداندىق جەر قاتىناستار جانە اۋىل شارۋاشىلىعى ءبولىمىنىڭ مالىمەتى بويىنشا بۇگىنگى تاڭدا 209 گەكتار القاپتان  ءجۇزىم (گەكتار ءتۇسىمى 35 تسن), 70 گەكتاردان الما (گەكتار ءتۇسىمى 25 تسن) تەرىلىپ، اۋداننىڭ ىشكى نارىعىنا شىعارىلۋدا.

ازاماتتار جۇمىسپەن قامتىلدى

«نۇر وتان» پارتياسى مەن قر دەنساۋلىق ساقتاۋ جانە الەۋمەتتىك دامۋ مينيسترلىگى بىرلەسىپ،  2009-شى جىلدان باستاپ «جۇمىسپەن قامتۋ 2020 جول كارتاسىن جۇزەگە اسىرۋ بويىنشا ازاماتتاردى بىرىڭعاي قابىلداۋ كۇنى» رەسپۋبليكالىق اكتسياسىن وتكىزىپ كەلەدى. «نۇر وتان» پارتياسىنىڭ جۇمىس جوسپارىنا سايكەس اتالمىش اكتسيا اعىمداعى جىلدىڭ  26 تامىزىندا شاردارا اۋدانىندادا وتكىزىلدى. اكتسيا اياسىندا جۇمىسسىز ازاماتتارعا  «جۇمىسپەن قامتۋ 2020 جول كارتاسى» باعدارلاماسى شەڭبەرىندە بوس جۇمىس ورىندارىنىڭ جارمەڭكەسى وتكىزىلدى.

 جارمەڭكەگە 17 جۇمىس بەرۋشى مەكەمە قاتىسىپ، 48 بوس جۇمىس ورنىن ۇسىندى. جارمەڭكەگە جالپى 63 ادام قاتىستى، ونىڭ  46-سى جۇمىسسىز ازاماتتار. جارمەڭكە قورىتىندىسى بويىنشا 42 ازامات  تۇراقتى جۇمىسقا ورنالاستى، 1 ازامات باعدارلامانىڭ 2-ءشى باعىتى بويىنشا نەسيە الۋعا ۇمىتكەر بولىپ تانىلسا، 3 ازامات الەۋمەتتىك جۇمىس ورىندارىنا جولداما الدى.  اكتسياعا قاتىسۋشى  ازاماتتارعا جۇمىسقا ورنالاسۋ جونىندە جانە باعدارلامانىڭ باسقا باعىتتارى جونىندە  كەڭەستەر بەرىلدى.

Abai.kz