وزبەك جانە قىرعىز شەكاراشىلارى داۋلى ايماقتا زەرتتەۋ جۇرگىزدى
قىرعىز-وزبەك مەملەكەتتىك شەكاراسىن دەليميتاتسيالاۋ جانە دەماركاتسيالاۋ ماسەلەلەرى جونىندەگى ۇكىمەت دەلەگاتسيالارىنىڭ جۇمىس توبى بيىل 24-29 تامىز ارالىعىندا شەكارانىڭ بىرقاتار ايماقتارىندا بىرلەسكەن تەكسەرۋ جۇمىستارىن جۇرگىزدى. بۇل تۋرالى وزبەكستاننىڭ سىرتقى ىستەر مينيسترلىگى حابارلادى.
حابارلارعا قاراعاندا، كەزدەسۋلەر مەن كەلىسسوزدەر ناتيجەسىندە بىرلەسكەن حاتتاما تولتىرىلدى. تاراپتار مەملەكەتتىك شەكارا سىزىعىنا قاتىستى ورتاق شەشىم قابىلداۋ ءۇشىن دالانى زەرتتەۋ جۇمىستارىن جالعاستىرۋ تۋرالى كەلىسىمگە كەلدى.
وزبەكستان ءسىم حابارلاۋىنشا، "كەزدەسۋ تۇسىنىستىكپەن وتكەن".
اباي-اقپارات
