قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى جانە ارىس قالالىق ءماسليحاتىنىڭ كەلىسىمى بويىنشا وڭتۇستىك قازاقستان وبلىسى اكىمىنىڭ وكىمىمەن ارىس قالاسىنىڭ اكىمى بولىپ مۇرات بولاتۇلى قادىربەك تاعايىندالدى. م.ب.قادىربەك 1980 جىلى تۋىلعان. وڭتۇستىك قازاقستان وبلىسى شاردارا اۋدانىنىڭ تۋماسى، ءبىلىمى جوعارى، زاڭگەر، قۇقىقتانۋ ماگيسترى. قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەگى.

ەڭبەك جولىن 2002 جىلى قاراعاندى قالاسى قازىبەك بي اۋدانىنىڭ پروكۋراتۋراسىنىڭ ءبولىم پروكۋرورى لاۋازىمىندا باستاعان.

2004-2008 جىلدارى قازىبەك بي اۋدانى پروكۋرورىنىڭ كومەكشىسى، شىعىس-قازاقستان وبلىسى № 2 تارباعاتاي اۋداندىق سوتىنىڭ سۋدياسى لاۋازىمدارىن اتقارعان.

2008-2011 جىلدارى قازاقستان رەسپۋبليكاسى قورشاعان ورتانى قورعاۋ مينيسترلىگىندە بيۋدجەتتىك جوسپارلاۋ، قارجى-ەكونوميكالىق قامتاماسىز ەتۋ جانە مەملەكەتتىك اكتيۆتەردى باسقارۋ، ەكونوميكا جانە قارجى دەپارتامەنتتتەرى ديرەكتورىنىڭ ورىنباسارى، الماتى وبلىسى ەڭبەكشىقازاق اۋدانى اكىمىنىڭ ورىنباسارى رەتىندە ەڭبەك ەتكەن.

2011-2016 جىلدارى قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ مەملەكەتتىك قىزمەتتى كادرلىق قامتاماسىز ەتۋ دەپارتامەنتى ديرەكتورىنىڭ ورىنباسارى، الماتى وبلىسى بويىنشا دەپارتامەنت باسشىسىنىڭ ورىنباسارى، سولتۇستىك-قازاقستان جانە ماڭعىستاۋ وبلىسى بويىنشا دەپارتامەنتتەرى باسشىسى - تارتىپتىك كەڭەس توراعاسى لاۋازىمدارىن اتقارعان.

2016 جىلدىڭ قاڭتار ايىنان باستاپ قازاقستان رەسپۋبليكاسى مەملەكەتتىك قىزمەت ىستەرى مينيسترلىگى ماڭعىستاۋ وبلىسى بويىنشا دەپارتامەنتىنىڭ باسشىسى – ادەپ جونىندەگى كەڭەس توراعاسى بولىپ ەڭبەك ەتىپ كەلدى.

                                                                                                                                                 وقو اكىمىنىڭ ءباسپاسوز قىزمەتى