وڭتۇستىك قازاقستان وبلىسىنداعى حالىققا قىزمەت كورسەتۋ ورتالىعى «Connection point» وزىنە-ءوزى قىزمەت كورسەتۋ سەكتورلارى بويىنشا 7 ايدا 511 مىڭنان استام ازاماتقا كەڭەس بەرگەن.

وسى ۋاقىت ىشىندە حالىقتىڭ كومپيۋتەرلىك ساۋاتتىلىعىن كوتەرۋ ماقساتىندا وبلىستىڭ 309 211 تۇرعىنى ەلەكتروندىق ساندى قولتاڭبا العان. ولاردىڭ بارلىعى «Connection point» وزىنە-ءوزى قىزمەت كورسەتۋ سەكتورلارىنداعى ەلەكتروندىق ۇكىمەت پورتالى ارقىلى مەملەكەتتىك قىزمەتتەردى قولدانا الادى.

اۋداندارداعى ەلدى مەكەندەرگە شىققان موبيلدىك حقكو-ى 1 مىڭعا جۋىق شىعىس جاساپ، وسىنىڭ شەڭبەرىندە 36324 مەملەكەتتىك قىزمەت الىندى. ال 1414 بىرىڭعاي بايلانىس ورتالىعى ارقىلى مۇمكىندىگى شەكتەۋلى تۇلعالارعا 1926 مەملەكەتتىك قىزمەت كورسەتكەن.

سونداي-اق، ەستۋ جانە سويلەۋ قابىلەتى ناشار ازاماتتارعا مەملەكەتتىك قىزمەتتەردى كەدەرگىسىز الۋلارى ءۇشىن ءاربىر بولىمدە سۋردواۋدارما ينسپەكتورلارى جۇمىس جاسايدى.

مەملەكەتتىك قىزمەتتەردى ۇيىندە 1 جانە 2 توپتاعى مۇگەدىكتىگى بار تۇلعالار الاتىنىن اتاۋ قاجەت. مۇنداي شىعۋلاردا مەملەكەتتىك كورپوراتسيا حقكو قىزمەتكەرى قۇجاتتاردى قابىلداۋ جانە بەرۋ، ەلەكتروندىق ساندى قولتاڭبا جازۋ ال قاجەت بولعان جاعدايدا كليەنتتەرگە ەلەكتروندىق ۇكىمەت پورتالى ارقىلى وزدىگىنەن مەملەكەتتىك قىزمەتتەردى الۋعا ۇيرەتەدى.

بۇگىندە سۇرانىسقا يە ەلەكتروندىق انىقتامالار ولار: مەكەنجاي انىقتاماسى، جىلجىمايتىن مۇلىكتىڭ بار نەمەسە جوقتىعى تۋرالى انىقتاما جانە زەينەتاقى اۋدارىمدارى تۋرالى انىقتاما مەن قر ازاماتتارىنىڭ جەكە كۋالىكتەرىن راسىمدەۋ ءۇشىن وتىنىشتەرى بولىپ وتىر.  

Abai.kz