قازاقستاندا العاش رەت قۇلاعىندا مۇكىسى بار 25 ادام ۇكپ باعدارلاماسىنا قاتىسۋ مۇمكىندىگىنە يە بولدى.

«بيزنەستىڭ جول كارتاسى-2020» بيزنەستى قولداۋ جانە دامىتۋدىڭ بىرىڭعاي باعدارلاماسىنىڭ «بيزنەس-مەكتەپ» قۇرامداس بولىگى بويىنشا 2015 جىلى الماتى وبلىسىندا بيزنەس-ترەنەرلەر 2284 ادامدى وقىتقان.  ماسەلەن، وكپ كاسىپكەرلىكتى قارجىلاي ەمەس قولداۋ ءبولىمىنىڭ باسشىسى ەرلان داتقاەۆتىڭ ايتۋىنشا، «بيزنەس-كەڭەسشى» بولىگى بويىنشا بىلتىردان بەرى 1983 ادام وقىعان. «ۇيىمداستىرۋ-قۇقىقتىق فورماسىنىڭ بولىگىندەگى قاتىسۋشىلاردىڭ جالپى سانىنا جاسالعان تالداۋ جك تۇرىندەگى جەكە مەنشىگى بار شاعىن جانە ورتا بيزنەس سۋبەكتىلەرىنىڭ ۇلەسى جشس-دان كوپ ەكەنىن كورسەتتى. سونداي-اق، قاتىسۋشىلاردىڭ جارتىسىنان كوبى – ايەلدەر»، – دەيدى ە.داتقاەۆ.

وقۋ ارقىلى ءار قاتىسۋشى 3 ملن تەڭگەگە دەيىن قايتارىمسىز مەملەكەتتىك گرانتقا يە بولا الادى. ودان بولەك، ەكىكۇندىك وقۋعا قاتىسۋ – بيزنەسىن جاڭا باستاعاندار مەن الەۋەتتى كاسىپكەرلەرگە جاقسى مۇمكىندىك بەرەدى، ويتكەنى كوپتەگەن ادامدار ءۇشىن «بيزنەس-كەڭەسشى» بيزنەستى جۇرگىزۋدىڭ ءبىرىنشى قادامى بولىپ سانالادى. بيزنەس-ترەنەرلەر وتكىزەتىن كاسىبي ساراپتامالىق كەڭەس بەرۋ ءوز مۇمكىندىكتەرىن باعالاۋعا كومەكتەسەدى.

وسى جىلعى «بيزنەس-كەڭەسشىنىڭ» باستى جەتىستىگى رەتىندە قۇلاعى ناشار ەستيتىن جاندار ءۇشىن، ياعني 2 جانە 3-توپ مۇگەدەكتەرىنە سۋردواۋدارمامەن كۋرس ۇيىمداستىرۋ ءىسىن اتاۋعا بولادى. قازاقستاندا العاش رەت قۇلاعىندا مۇكىسى بار 25 ادام ۇكپ باعدارلاماسىنا قاتىسۋ مۇمكىندىگىنە يە بولدى. دارىستەردى تالدىقورعان قالاسىنداعى مۇگەدەكتەر قوعامداستىعىنىڭ ماماندارى مەن تەكەلى قالاسىنداعى وكپ فيليالىنىڭ كەڭەس بەرۋشى مەنەدجەرلەرى اۋدارىپ بەردى. ماسەلەن، كۋرسقا قاتىسقان 57 جاستاعى ولعا رىجكوۆاعا بۇل وقۋ كاسىپكەرلىكتىڭ قىر-سىرىن مەڭگەرىپ، مەملەكەتتىك باعدارلامالارعا قاتىسۋعا مۇمكىندىك بەردى. «مەن 2-توپتاعى مۇگەدەكپىن. بىرنەشە جىلدان بەرى كادەسىيلار مەن قۋىرشاقتار جاساۋمەن اينالىسىپ كەلەمىن. بارلىعىنا ۇنايدى، شەتەلدەن دە تاپسىرىس بەرىپ جاتاتىن كەزدەر بولادى. بۇيىمدارىمنىڭ ءتۇرىن كوبەيتىپ، بيزنەسىمدى دامىتقىم كەلەدى. سوندىقتان «بيزنەس-كەڭەسشىگە» قاتىسۋعا شەشىم قابىلدادىم. ءبىز ءۇشىن مۇنداي كۋرستار وتە قاجەت ءارى ماڭىزى زور. ويتكەنى مۇنداي كۋرستاردان باسقا جاڭا ماشىقتارعا يە بولىپ، ءبىلىمىمىزدى جەتىلدىرەتىن مۇمكىندىك جوق»، – دەيدى و.رىجكوۆا.

تاعى ءبىر «بيزنەس ءوسۋ» بولىگى ارقىلى 235 كاسىپكەر وقىتىلدى. تالىمگەرلىك قاعيداسى قولدانىلاتىن «جوبالىق وقىتۋ» بويىنشا 65 شاعىن جانە ورتا بيزنەس سۋبەكتىسى وقىتىلعان. سونداي-اق، وبلىستا قاراشا ايىنىڭ باسىندا 18 بەن 29 جاس ارالىعىنداعى «جاس كاسىپكەر مەكتەبى» بويىنشا جاستاردى وقىتۋ جوسپارلانۋدا.

باعدارلاما شەڭبەرىندەگى «ىسكەرلىك بايلانىستار» جوباسى كاسىپكەرلەرگە شەتەلدىك كاسىپكەرلەرمەن ارىپتەستىكتى جولعا قويۋعا كومەكتەسەدى. حالىقارالىق جوبانىڭ باستى ماقساتى – حالىقارالىق جانە شەتەلدىك ۇيىمداردىڭ قولداۋىمەن شەتەلدىك ارىپتەستەرمەن ىسكەرلىك بايلانىستار ورناتۋ. الماتى وبلىسىنىڭ تانىمال بيزنەسمەنى، «شاي ورتالىعى» جشس باس ديرەكتورى مەدەۋ سەرىكباەۆ جوبا شەڭبەرىندە گەرمانيادان تاعىلىمدامادان وتكەن 28 بيزنەسمەننىڭ ءبىرى. ونىڭ ايۋىنشا، ساپار نەمىس كومپانياسىمەن ارىپتەستىك ورناتۋعا كومەكتەسكەن. تاعىلىمداما بارلىعى 24 كۇنگە سوزىلعان.

«مەن وتە تاماشا اسەر الدىم. جوبانىڭ ارقاسىندا جاڭا بايلانىستارعا قول جەتكىزىپ، بولاشاق ارىپتەستەرىممەن تانىستىم. بيزنەستەگى كەيبىر دۇنيەلەرگە جاڭا كوزقاراس پايدا بولدى. سونداي-اق، بيزنەستى جۇرگىزۋ مەن دامىتۋ بويىنشا جاقسى كەڭەستەر الدىم. تاعىلىمداما بارىسىندا «اlsen lime» كومپانياسىمەن كەلىسسوزدەر جۇرگىزدىم. ولار شايعا ارنالعان قوسپالار شىعارۋمەن اينالىسادى. قازىرگى تاڭدا ورتاق ارىپتەستىكتى باستاپ كەتتىك»، – دەيدى بيزنەسمەن.

بۇگىندە 10-عا جۋىق بيزنەسمەن دايىندىق كۋرسىنان ءوتىپ، تاعىلىمدامادا كوكجيەگىن كەڭەيتۋگە دايىندالۋدا.

Abai.kz