اقتوبە وبلىسى اكىمدىگى التىنمەن اپتالعان كرەسلوعا تاپسىرىس بەرگەن، - دەپ حابارلايدى Tengrinews.kzء تىلشىسى. مۇنداي لوت قازاقستاننىڭ مەملەكەتتىك ساتىپ الۋلار سايتىندا پايدا بولعان.

اقتوبە وبلىسى اكىمىنىڭ ءىس باسقارماسىنىڭ جەتەكشىسىنە ارنالعان ءبىر كرەسلونىڭ قۇنى - 630 مىڭ تەڭگە. لوتتىڭ سيپاتتاماسىنا قاراعاندا، كرەسلو بۇزاۋ تەرىسىنەن جاسالۋى ءتيىس ءارى ساپالى بولۋى كەرەك، ال شەتتەرى جەزبەن اسپەتتەلۋى ءتيىس ەكەن. سونىمەن قاتار، اكىمدىك كرەسلونىڭ ويۋ-ورنەگى بولعانىن، التىن جالاتىلعان جەزدەن جاسالعانىن قالايدى.

جەتەكشى لاۋازىمداعى قىزمەتكەرلەرمەن قاتار، قوناقتارعا ارنالعان تاعى ەكى كرەسلوعا تاپسىرىس بەرىلگەن، ولاردىڭ ارقايسىسىنىڭ باعاسى 560 مىڭ تەڭگە دەپ كورسەتىلگەن.  

ال اقتوبە اكىمدىگىندەگىلەر مۇنداي باعالى لوتتاردىڭ جاعدايىن ءتۇسىندىرىپ بەردى. مەمورگاننىڭ زاڭگەرى باقىتبەك احمەتجانوۆتىڭ ايتۋىنشا، تاپسىرىستى سايتقا ورنالاستىرعان مامان تاۋار قۇنىن وزگەرتۋدى ۇمىتىپ كەتكەن.   

ء"بىز بۇگىن بۇل لوتتى الىپ تاستايمىز. قىزمەتكەر كرەسلولاردىڭ سانىن قاراجاتتىڭ جوقتىعىنا بايلانىستى ازايتقان، بىراق باعاسىن وزگەرتۋدى ۇمىتىپتى (...) باستاپقىدا ءبىز قوناقتارعا ارنالعان 10 كرەسلوعا تاپسىرىس بەرگىمىز كەلدى (1,1 ميلليون تەڭگەگە - اۆت.) جانە جەتەكشىلەرگە ارنالعان التى كرەسلو العىمىز كەلدى (630 مىڭ تەڭگە - اۆت.), بىراق ولاردىڭ سانىن ۇشەۋگە قىسقارتتىق. بىرەۋى وبلىس اكىمىنىڭ ءىس باسقارماسىنىڭ جەتەكشىسى ءادىل سەيسەنباەۆقا جانە تاعى ەكەۋى قوناقتارعا ارنالعان. ءبىز قازىر مۇنى تۇزەپ جاتىرمىز، تاپسىرىستى الىپ تاستايمىز، مەملەكەتتىك ساتىپ الۋلار سايتىنان بۇل مالىمەت وشىرىلەدى. ال التىنمەن اپتالعان ەلەمەنتتەرىنە كەلسەك، مۇندا التىن تۇستەس دەگەندى ايتقىسى كەلگەن، التىن تۇستەس مەتالل قارا فوندا جانە قايىستان جاسالعان بولۋى كەرەك، - دەيدى زاڭگەر باقىتبەك احمەتجانوۆ. - جەتكىزىپ بەرۋشىلەر تەلەفون سوعىپ، ءتۇسىن، ولشەمىن ءبىلىپ جاتىر، لوت 3 قازانعا دەيىن جاريالانعان. بىراق ءبىز ونى الىپ تاستاپ جاتىرمىز".

Abai.kz