ەلباسىنىڭ تاپسىرماسى نەگىزىندە اۋىلشارۋاشىلىق سالاسىنا ايرىقشا كوڭىل ءبولىنىپ كەلەدى. سونىڭ ارقاسىندا وڭتۇستىك قازاقستان وبلىسىندا بارەكەلدى دەۋگە تۇرارلىق جۇمىستار اتقارىلۋدا. بۇل تۋرالى «اباي اقپارات» حابارلايدى.

ايتالىق، ءوڭىر ديقاندارى جىل باسىنان بەرى كورشى وزبەكستان مەملەكەتىنە ءداندى داقىلداردى ارتىعىمەن ەكسپورتتالىپ، 92, 4 مىڭ توننا ءداندى داقىل جونەلتىلگەن. بۇل وتكەن جىلعىمەن سالىستىرعاندا 12,1 پايىزعا ارتىق.

شۇكىر، وبلىسىمىزدا بيداي ءوسىرۋ دە جاقسى جولعا قويىلعان. ناقتىلاپ ايتساق، بيىل 1 025,1 مىڭ توننا استىق دايىندالسا، 943,4 مىڭ توننا استىق ساتىلىمعا دايىندالعان، ال ونىڭ 8,5 مىڭ تونناسى كەلەسى جىلى ەگۋگە ارنالعان تۇقىمدىق ءۇشىن ساقتالۋدا. قالعان 73,2 مىڭ تونناسى مال ازىعى ءۇشىن دايىندالدى. وبلىستا الداعى جىلى استىق كولەمىن ارتتىرۋ نەگىزگى ماقساتتاردىڭ ءبىرى بولىپ وتىر. ويتكەنى، ونى ساتىپ الاتىن ءىرى تۇتىنۋشى الىستا ەمەس. گەوگرافيالىق جاعىنان بۇل ورنالاسۋ ەكونوميكالىق تۇرعىدان وتە ءتيىمدى. الداعى ۋاقىتتا وڭىردە ءداندى داقىلدار ءوندىرۋ كولەمى ارتىپ جاتسا، ونى وزگە دە جاقىن ەلدەرگە ساتۋ كوزدەلىپ وتىر.

Abai.kz