بۇل تۋرالى ايماقتىق كوممۋنيكاتسيالار قىزمەتىندە وتكەن بريفينگتە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ا.تەمىرباەۆا ءمالىم ەتتى.

ونىڭ ايتۋىنشا، بۇل كورسەتكىش جۇمىسپەن قامتىلعان ازاماتتاردىڭ 86 پايىزى مىندەتتى زەينەتاقى جارنالارى اۋدارىلعانى ارقىلى انىقتالىپ وتىر.

ەلباسىنىڭ بيىلعى جىلى حالىققا جولداۋىندا بەلگىلەنگەن بەس باعىتتىڭ ءبىرى – جاڭا الەۋمەتتىك ساياساتتىڭ ىسكە اسىرىلۋى بويىنشا اتقارىلعان جۇمىستاردى بايانداعان باسقارما باسشىسى وبلىستا وسى جىلى 319 وتباسى اتاۋلى الەۋمەتتىك كومەك، 65 مىڭنان استام وتباسى 18 جاسقا دەيىنگى بالالارعا ارنالعان جاردەماقى الىپ جاتقانىن ايتتى.

«الەۋمەتتىك كومەك الۋشىلاردىڭ قاتارىندا ەڭبەككە جارامدىلار ورتاشا ەسەپپەن 24,4 پايىزىن قۇرايدى. از قامتىلعان وتباسىلارعا الەۋمەتتىك كومەك كورسەتۋ ءۇشىن جەرگىلىكتى بيۋدجەتتەردەن 5 ملرد.تەڭگەگە جۋىق قارجى ءبولىندى. 2018 جىلدىڭ 1 قاڭتارىنان باستاپ الەۋمەتتىك تولەمدەردىڭ ءۇش تۇرىمەن بىرگە  (كوپ بالالى جانە از قامتاماسىز ەتىلگەن وتباسىلارعا تولەنەتىن جاردەماقى، بالالار جاردەماق

ىسى) اتاۋلى الەۋمەتتىك كومەكتىڭ جاڭا ءتۇرى ەنگىزىلەتىن بولادى»،-دەدى سپيكەر.

بۇل كومەكتىڭ ءتۇرى شىندىعىندا قيىن جاعدايعا تاپ بولعان جانە وبەكتيۆتى سەبەپتەرگە (جاسى، دەنساۋلىق جاعدايى، مۇگەدەكتىك جانە وزگە الەۋمەتتىك وسالدىق) بايلانىستى وسى جاعدايدان شىعا المايتىن ازاماتتارعا شارتسىز كومەك بولىپ ۇسىنىلاتىن بولادى. ياعني، ەڭبەككە قابىلەتتىلىكتى ساقتاعان، كومەك الۋشى ۇمىتكەرلەرگە قولداۋ شارتتى اقشالاي تۇرىندە كورسەتىلەتىن بولادى. وسى ماقساتتا «ورلەۋ» جوباسىنىڭ اياسىندا كۇنكورىس دەڭگەيىنىڭ 60 پايىزىنان تومەن تۇراتىن از قامتاماسىز ەتىلگەن ازاماتتارىنا  جۇمىسپەن قامتۋدىڭ بەلسەندى شارالارىنا قاتىسقان جاعدايدا شارتتى اقشالاي كومەك كورسەتۋ قاراستىرىلعان. شارتتى اقشالاي كومەكتىڭ مولشەرى كۇنكورىس دەڭگەيىنىڭ 60 پايىزى مەن وتباسىنىڭ جان باسىنا شاققانداعى تابىسىنىڭ ايىرماشىلىعىنا تەڭ.

«2016 جىلى «ورلەۋ» جوباسىن ەنگىزۋ تاجىريبەسىن كەڭەيتۋ ءۇشىن، شارتتى اقشالاي كومەك جۇيەسىن وبلىسىمىزداعى بارلىق اۋدان، قالالاردا ەنگىزۋ جوسپارلاندى. جوبا اياسىندا 14927 ادام 602,5 ملن.تەڭگەگە شارتتى اقشالاي كومەكپەن، ونىڭ ىشىندە 2944 ادام  جۇمىسپەن قامتۋ بەلسەندى شارالارىمەن قامتىلاتىن بولادى. ناتيجەسىندە، كەدەيلىك دەڭگەيىن 6,0 پايىزدان وسىرمەۋ كوزدەلۋدە»، -دەدى ا.تەمىرباەۆا.

ايتا كەتەيىك، «ورلەۋ» جوباسى 2015 جىلى 4 وڭىردە پيلوتتىق جوبا رەتىندە ەنگىزىلىپ، 139 وتباسىنداعى 913 ادامعا 23 ملن. تەڭگە تولەندى.

وقو اكىمىنىڭ ءباسپاسوز قىزمەتى