سيريا اۋماعىندا مەملەكەتتىك دۋما سايلاۋى قارساڭىندا داماسكىدەگى رەسەي ەلشىلىگىندە ءبىر سايلاۋ ۋچاسكەسى اشىلعان. مۇنان بولەك، جىلجىمالى داۋىس بەرۋ جاشىگىن حمەيميمدەگى رەسەيلىك اسكەري بازاعا اكەلگەن.

سيريادا سايلاۋعا بارلىعى 4,5 مىڭ ادام داۋىس بەرگەن. ولاردىڭ تەك 200-گە جۋىعى داماسكىدەگى ەلشىلىكتە داۋىس بەرگەن. وسىنىڭ الدىندا رەسەيدىڭ قورعانىس مينيسترلىگى مەملەكەتتىك دۋما سايلاۋىنا سيريادا جۇرگەن اسكەردىڭ 100 پايىزى داۋىس بەردى دەپ حابارلاعان.

ربك اتاپ وتكەندەي، سيرياداعى داۋىس بەرگەن رەسەيلىكتەردىڭ سانى رەكوردتىق كورسەتكىش. 2011 جىلعى دۋما جانە 2012 جىلعى پرەزيدەنت سايلاۋىندا بۇل كورسەتكىش ءتورت ەسەگە از بولعان.

رەسەي سيرياعا اسكەرىن 2015 جىلدىڭ قىركۇيەگىندە كىرگىزدى. 2016 جىلدىڭ ناۋرىز ايىندا ماسكەۋ رەسمي تۇردە سيريادان اسكەرىمىزدىڭ نەگىزگى بولىگىن شىعارىپ جاتىرمىز دەپ مالىمدەگەن. سيرياداعى قالعان اسكەر كرەملدىڭ ءتۇسىندىرۋى بويىنشا باشار اسادقا ەكسترەميزمگە قارسى كۇرەسكە كومەكتەسەدى. رەسمي مالىمەت بويىنشا، سيريادا 20 رەسەيلىك سارباز سوعىسۋ كەزىندە قازا تاپقان.

Abai.kz