بۇگىن شىمكەنتتەگى وبلىستىق وپەرا جانە بالەت تەاترىندا  «التىن ساقا» بالالارعا ارنالعان قىسقامەتراجدى فيلمدەر فەستيۆالى  ۇيىمداستىرىلىپ، وتكىزىلدى.

سالتاناتتى شاراعا قاتىسقان مادەنيەت باسقارماسىنىڭ باسشىسى احمەتجانوۆ نۇربولات ەڭ الدىمەن وبلىس اكىمىنىڭ  قۇتتىقتاۋىن  جەتكىزدى. وڭىردە العاش رەت ۇيىمداستىرىلىپ وتىرعان فەستيۆال كينويندۋستريا سالاسىن دامىتۋ، جاس بۋىن رەجيسسەرلارعا شىعارماشىلىق سەرپىن بەرۋ، ولاردىڭ كاسىبي دەڭگەيىن كوتەرۋ، الەۋمەتتىك ماسەلەلەردى كوتەرە وتىرىپ، كورەرمەندەرگە وي تاستاۋ، بالالارعا ارنالعان قىسقامەتراجدى فيلمدەر مەن انيماتسيالىق تۋىندىلاردى، بەينەروليكتەردى جارىققا شىعارۋ ماقساتىندا وتكىزىلدى.

فەستيۆالگە رەسپۋبليكالىق «بالاپان» تەلەارناسىنىڭ ديرەكتورى ءلايلا سۇلتانقىزى، قازاق ۇلتتىق ونەر اكادەمياسىنىڭ دوتسەنتى، كينوتانۋشى، كينوسىنشى، ونەرتانۋ عىلىمىنىڭ كانديداتى گۇلنار ءمۇرسالىموۆا، وبلىستىق ءازىل-سىقاق جانە ساتيرا تەاترىنىڭ ءارتىسى ءجۇسىپ اقشورا، «قازاقستان» اق وقو فيليالىنىڭ ديرەكتورى ءۋالي قىدىر، «ساق» كينوستۋدياسىنىڭ ديرەكتورى نۇريددين پاتتەۆ، كليپمەيكەر، كينورەجيسسەر-وپەراتور فۋرحاد سايپوۆتار قازىلىق ەتتى.

سونىمەن، فەستيۆالدىڭ قازىلار القاسىنىڭ شەشىمىمەن

باس جۇلدە — «قۋات» قىسقامەتراجدى ءفيلمى (رەجيسسەرى نۇربول ابسەمەتوۆ).

ءى ورىن — «ايسۇلۋ» قىسقامەتراجدى ءفيلمى (رەجيسسەرى دارحان نۇرتازاەۆ) جانە «تۇلكى مەن قىرعاۋىل» انيماتسيالىق ءفيلمى (رەجيسسەرلارى داريحا ەركىنبەك، جۇلدىز ومىرقۇلوۆا).

ءىى ورىن — «قاhارمان» قىسقامەتراجدى ءفيلمى (رەجيسسەرى حاميد مۇتاليەۆ) جانە «اسار» انيماتسيالىق ءفيلمى (رەجيسسەرى بەرەكە ءجۇنىسوۆ).

III ورىن — «مەن قورقامىن» قىسقامەتراجدى ءفيلمى (رەجيسسەرى باقىتجان كوشەروۆ) جانە «ناۋرىز» انيماتسيالىق ءفيلمى (رەجيسسەرى وڭلاسىن بۋريبەكوۆ).

سونىمەن قاتار «وزەكتى تاقىرىپتى قوزعاعانى ءۇشىن» نوميناتسياسىمەن «تابيعاتتى ايالايىق» انيماتسيالىق ءفيلمى (رەجيسسەرى سامات نۇراليەۆ), «ەرەكشە مونتاج جۇمىسى ءۇشىن» نوميناتسياسىمەن «جىلدامدىق» الەۋمەتتىك روليگى (رەجيسسەرى سەرىك تالاسوۆ) جانە «ەرەكشە وپەراتورلىق جۇمىسى ءۇشىن» نوميناتسياسىمەن «جەمقورلىق» الەۋمەتتىك روليگىنىڭ (رەجيسسەرى سەرىك تالاسوۆ)اۆتورلارى ماراپاتتالدى.

كينوفەستيۆالدە جۇلدە العان وسى تۋىندىلار 2016 جىلدىڭ 5 قازاننان باستاپ جەرگىلىكتى جانە رەسپۋبليكالىق «بالاپان» تەلەارناسىنىڭ ەفيرىنەن كورسەتىلە باستايدى. ال كونكۋرسقا قاتىسقان بارلىق فيلم 23 قىركۇيەكتەن 3 قازانعا دەيىن «وڭتۇستىكفيلم» مەكەمەسىندە، بالالار ۇيلەرىندە، ينتەرناتتاردا كورسەتىلەدى.

Abai.kz