بۇگىن ءوڭىر باسشىسى ب.اتامقۇلوۆ شىمكەنتتەگى «بولاشاق» اقپاراتتىق-وڭالتۋ ورتالىعىندا بولدى.

جۇمىس توبى «جيتس-تەن بالالاردى قورعاۋ» قايىرىمدىلىق قوعامدىق قورىنىڭ پرەزيدەنتى جانەتتا جازىقباەۆامەن بىرگە الەۋمەتتىك، قۇقىقتىق جانە مەديتسينالىق كومەك الىپ جۇرگەن تىرەك قيمىلى بۇزىلعان مۇمكىندىگى شەكتەۋلى بالالاردىڭ جاعدايىمەن تانىستى. كەزدەسۋدە وبلىس اكىمى ۆيچ ىندەتىنە شالدىققان بالالاردى ورتادان شەتتەتپەي، قوعامعا بەيىمدەۋ قاجەتتىگىن ايتتى.

ايتا كەتۋ كەرەك، 2006 جىلى قۇرىلعان قوعامدىق قور سوڭعى ءۇش جىلدان بەرى ونكولوگيا، گەپاتيت ۆ، س، قانت ديابەتى، تىرەك قيمىلى بۇزىلعان مۇمكىندىگى شەكتەۋلى بالالارعا ءتۇرلى باعىتتار بويىنشا كومەك كورسەتىپ، قولداۋمەن اينالىسادى. بۇگىنگى تاڭدا قوردا 247 بالا ەسەپتە تۇرادى.

وقو-دا الەۋمەتتىك سالاعا ايرىقشا كوڭىل بولىنۋدە. ءوڭىردىڭ حالىق قالاۋلىلارىمەن بولعان كەزدەسۋدە ءوڭىر باسشىسى وسىلاي دەدى. جىل باسىنان بەرى اتقارىلعان جۇمىستاردىڭ بارىسىن بايانداۋ كەزىندە ايماقتاعى 10 دەنساۋلىق ساقتاۋ نىسانىنىنىڭ قۇرىلىسى جۇرگىزىلسە، 8 نىساندا كۇردەلى جوندەۋ جۇمىستارى جاسالىپ جاتقانى ايتىلدى. «وبلىسىمىزدا الەمدىك مەديتسيناداعى وزىق تەحنولوگيالار پايدالانىلۋدا. بالالار قان تامىر حيرۋرگياسىن دامىتۋ قولعا الىندى. مەديتسينالىق قىزمەتتىڭ ساپاسىن جاقسارتۋ ماقساتىندا قىزمەتكەرلەردىڭ بىلىكتىلىگىن ارتتىرۋعا كوڭىل ءبولىنىپ وتىر. ەسەپتى كەزەڭدە نارەستەلەر ءولىم-ءجىتىمىنىڭ كورسەتكىشى 13, قان اينالىمى اۋرۋلارى 15, تۋبەركۋلەز 24, ونكوپاتولوگيا 2 پايىزعا تومەندەدى»، - دەدى ايماق باسشىسى.

Abai.kz