قازاقستان رەسپۋبليكاسى بايلانىس جانە اقپارات قىزمەتكەرلەرى كۇنىنە وراي "مەملەكەتتىك ءتىل جانە باق" رەسپۋبليكالىق بايقاۋى وتەدى، - دەپ حابارلايدى اباي-اقپارات. 

ءبىز «مەملەكەتتىك ءتىل جانە باق» رەسپۋبليكالىق بايقاۋىن وتكىزۋ جونىندەگى ەرەجەنى وقىرمان نازارىنا ۇسىنۋدى ءجون ساناپ وتىرمىز.

«مەملەكەتتىك ءتىل جانە باق» رەسپۋبليكالىق بايقاۋىن وتكىزۋ جونىندەگى ەرەجە

1. جالپى ەرەجەلەر

 1. «مەملەكەتتىك ءتىل جانە باق» رەسپۋبليكالىق بايقاۋى

(بۇدان ءارى – بايقاۋ) قازاقستان رەسپۋبليكاسى بايلانىس جانە اقپارات قىزمەتكەرلەرى كۇنىنە وراي باعىتتالعان.  

2. بايقاۋدى وتكىزۋدىڭ ماقساتى – مەملەكەتتىك ءتىل ساياساتىن بۇقارالىق اقپارات قۇرالدارىندا كەڭىنەن ناسيحاتتاۋ، مەملەكەتتىك ءتىلدىڭ باسىلىمداردا ناسيحاتتالۋ بەلسەندىلىگىن ارتتىرۋ.

3. بايقاۋ ءتورت نوميناتسيادان تۇرادى:

1)  «ۇزدىك ماقالا» (مەرزىمدى ءباسپاسوز بويىنشا);

2)  «ۇزدىك تەلەارنا باعدارلاماسى» (تەلەارنا باعدارلامالارى بويىنشا);

3) «ۇزدىك راديو باعدارلاماسى» (راديو باعدارلامالارى بويىنشا);

4) «ۇزدىك سايت ماقالاسى» (سايت ماتەريالدارى بويىنشا).

4. بايقاۋعا قوعامدىق ءومىردىڭ بارلىق سالالارىندا مەملەكەتتىك ءتىلدىڭ قىزمەت ەتۋ اياسىن كەڭەيتۋ مەن مارتەبەسىن نىعايتۋ جولىندا مەملەكەتتىك ءتىلدىڭ احۋالى، ونى دامىتۋ تۋرالى ماقالالارى (حابارلار ۇيىمداستىرعان) جاريالاعان جەكەلەگەن جۋرناليستەر قاتىسا الادى.

5. وسى بايقاۋدىڭ الدىڭعى جەڭىمپازدارى مەن جۇلدەگەرلەرى (باس جۇلدە،
ءى، ءىى، ءىىى ورىن يەگەرلەرى) وسى بايقاۋعا قاتىستىرىلمايدى.

2. بايقاۋدى ۇيىمداستىرۋ ءتارتىبى

6. قازاقستان رەسپۋبليكاسى مادەنيەت جانە سپورت مينيسترلىگىنىڭ
تىلدەردى دامىتۋ جانە قوعامدىق-ساياسي جۇمىس كوميتەتى (بۇدان ءارى – كوميتەت) بايقاۋدىڭ ۇيىمداستىرۋشىسى بولىپ تابىلادى.

7. بايقاۋدى وتكىزۋ تۋرالى حابارلاندىرۋ وڭىرلىك، رەسپۋبليكالىق باق-تا جاريالانادى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ رەسمي سايتىندا ورنالاستىرىلادى.

8. بايقاۋ قاتىسۋشىلارى ۇسىنىلعان وسى ەرەجەنىڭ 3-تارماعىنداعى كورسەتىلگەن ءتورت نوميناتسيالار بويىنشا ءوتىنىمدى وبلىستار مەن استانا جانە الماتى قالالارىنىڭ جەرگىلىكتى اتقارۋشى ورگاندارى (تىلدەردى دامىتۋ باسقارمالارى) جانە جەكە تۇلعالار كوميتەتكە 2016 جىلعى 10 ماۋسىمعا دەيىن تومەندەگى ماتەريالدارمەن بىرگە ۇسىنادى:

1) 2015 جىلعى 10 ماۋسىم مەن 2016 جىلعى 9 ماۋسىم ارالىعىنداعى مەملەكەتتىك ءتىلدى ناسيحاتتاۋ باعىتىندا جارىق كورگەن جاريالانىمداردى، تەلە جانە راديوەفيرگە شىعارىلعان حابارلاردى، مەملەكەتتىك تىلدەگى سايتتارداعى ماتەريالداردى;

2) ماقالا جاريالانعان گازەت-جۋرنالدىڭ تۇپنۇسقاسى، سايتتاردىڭ سكرينشوتتارى، باعدارلامالاردىڭ DVD ديسكىدەگى جازباسى، «Word» فورماتىنداعى ەلەكتروندىق نۇسقاسى;

3) ۇسىنىلعان ماتەريالداردىڭ قىسقاشا اننوتاتسياسى.

3. بايقاۋ قاتىسۋشىلارىن باعالاۋ

9. بايقاۋعا قاتىسۋشىلاردىڭ جۇمىسىن باعالاۋ جانە جەڭىمپازدار مەن جۇلدەگەرلەردى انىقتاۋ ءۇشىن ءتىل مەن ادەبيەت، جۋرناليستيكا سالالارىنىڭ بىلىكتى ماماندارى مەن عالىمدارىنان، زيالى قاۋىم وكىلدەرى، قوعام قايراتكەرلەرىنەن تۇراتىن قازىلار القاسى 5-7 ادامنان قۇرىلادى. ونىڭ قۇرامىن كوميتەت انىقتايدى.

10. بايقاۋعا قاتىسۋشىلاردىڭ ماتەريالدارى جيناقتالعاننان كەيىن قازىلار القاسىنىڭ وتىرىسى وتكىزىلەدى. وتىرىستا قازىلار القالارىنىڭ داۋىس بەرۋلەرى ارقىلى بايقاۋدىڭ ءتورت نوميناتسيالارى بويىنشا جەڭىمپازدار مەن جۇلدەگەرلەر ايقىندالادى. ماراپاتتاۋ راسىمىندە بايقاۋ جەڭىمپازدارى مەن جۇلدەگەرلەرى تۋرالى جاريالانادى.

11. بايقاۋ جەڭىمپازدارى مەن جۇلدەگەرلەرىن ماراپاتتاۋ ءراسىمى
2016 جىلعى ماۋسىم ايىندا استانا قالاسىندا وتكىزىلەدى.

12. بايقاۋ جەڭىمپازدارى مەن جۇلدەگەرلەرى ارنايى ديپلومدارمەن، العىسحاتتارمەن جانە اقشالاي سىيلىقتارمەن ماراپاتتالادى.

13. بايقاۋعا ۇسىنىلاتىن ماتەريالدار مىنا مەكەنجايعا جولدانۋى ءتيىس:

010000, استانا قالاسى، «مينيسترلىكتەر ءۇيى» عيماراتى، 15-كىرەبەرىس، قازاقستان رەسپۋبليكاسى مادەنيەت جانە سپورت مينيسترلىگىنىڭ
تىلدەردى دامىتۋ جانە قوعامدىق-ساياسي جۇمىس كوميتەتى، «مەملەكەتتىك ءتىل جانە باق» رەسپۋبليكالىق بايقاۋىنا.

بايلانىس تەلەفوندارى: 8 (7172) 74-09-85, 74-14-97, 74-05-03, 40-83-67.

8702-478-97-03, 8707-423-98-70, 87055079898

اباي-اقپارات