ەلوردالىق پوليتسەيلەر جەدەل-ىزدەستىرۋ شارالارىن وتكىزۋ بارىسىندا قر قك 274 بابى (جالعان اقپاراتتى تاراتقان ءۇشىن) بويىنشا كۇدىكتى رەتىندە استانا قالاسىنىڭ 30 جاستاعى تۇرعىنىن ۇستادى، دەپ حابارلايدى قالاسى ءىىد-ءنىڭ ءباسپاسوز قىزمەتى.

23 مامىردا استانا تۇرعىندارىنىڭ ۇيالى تەلەفوندارىنا قالادا 2009 جىلعا مەملەكەتتىك باعدارلاما بويىنشا پاتەرلەردى بەرۋدىڭ باستالعاندىعى جانە 6 شىلدە كۇنى ساعات 16.00-دە قالا اكىمدىگىنە قۇجاتتارمەن كەلۋ قاجەتتىلىگى جايىندا sms-حابارلامالار كەلىپ تۇسكەن.

بۇل فاكت قر قك «جالعان اقپارات تاراتقان ءۇشىن» بابى بويىنشا سوتقا دەيىنگى تەرگەۋلەردىڭ بىرىڭعاي تىركەۋىنە الىندى. سوتقا دەيىنگى تەرگەۋ باستالدى. كۇدىكتىگە تيەسىلى ۇيالى تەلەفون سيم كارتاسىمەن بىرگە تاركىلەندى. تەرگەۋ بارىسىندا قۇرىقتالعان ازاماتشانىڭ وسىعان دەيىن «الاياقتىق» بويىنشا قىلمىستىق جاۋاپكەرشىلىككە  تارتىلعاندىعى انىقتالدى. 

ەسكە سالا كەتسەك، 24 مامىردا قالا اكىمدىگى استانا كۇنىنە وراي پاتەرلەر بەرىلەتىنى تۋرالى SMS-حابارلامالاردىڭ مالىمەتتەرىن جوققا شىعارعان بولاتىن.

اباي-اقپارات