الماتىنىڭ "العاباس" ىقشاماۋدانىنداعى قيسايعان كوپ قاباتتى ءۇيدى ءسۇرۋ كەرەك دەپ مالىمدەدى بۇگىن الماتى اكىمىنىڭ ورىنباسارى سۇلتانبەك ماكەجانوۆ.

بريفينگتە ماكەجانوۆ ءۇي سالىنعان كەزدە ونىڭ توپىراق تىرەگىن نىعىزداۋ قۇرىلعىسى قاراستىرىلماعاندىقتان توپىراق وتىرىپ، عيمارات قيسايعانىن ايتتى. ونىڭ سوزىنشە، كوميسسيا ءۇي ءسۇرىلۋى كەرەك دەپ ۇيعارعان. كوميسسيا سونىمەن قاتار ءۇيدى سالعان مەردىگەر قۇرىلىس تالاپتارىن بۇزعانى ءۇشىن ءۇيدى قالپىنا كەلتىرىپ، بولماسا باسقا جاقتان ءۇي بەرسىن دەپ شەشكەن.

1 ماۋسىم كۇنى كەشكە توعىز قاباتتى 1/136 ءۇيدىڭ قيسايعانى بايقالعان سوڭ 200-دەن استام تۇرعىن ەۆاكۋاتسيالانىپ، قوناقۇيگە ورنالاستىرىلعان. توتەنشە جاعداي، جەدەل جاردەم، ءورت ءسوندىرۋ، گاز قىزمەتى ءۇيدى قورشاۋعا الىپ، وعان ەشكىمدى جىبەرمەگەن.

كەشە الماتى قالالىق اكىمدىگى ءۇيدىڭ باتىس باعىتقا قاراي 32 سانتيمەترگە قيسايعانىن حابارلاعان. اپاتتى ۇيگە قاتىستى كوميسسيا قۇرىلعان.

ۇيدە 72 پاتەر بار. ءۇيدىڭ باس مەردىگەرى - "نسك استانا قۇرىلىس" كومپانياسى. ءۇي 2015 جىلى كۇزدە "قولجەتىمدى باسپانا - 2020" باعدارلاماسى بويىنشا كەزەكتە تۇرعان ازاماتتارعا بەرىلگەن.

Aباي-اقپارات