Youtube ۆيدەو جەلىسىندەگى «حيكمەت ستۋدياسى» كانالىندا اقتوبەدەگى وقيعا تۋرالى قىسقا سيۋجەت جۇكتەلگەن. وندا قمدب قىزمەتكەرى ەرشات اعىبايۇلى (1-سۋرەتتە) اقتوبەدەگى وقيعاعا ءدىني باسقارمانىڭ ايىپتايتىنىن، ونىڭ ۇلكەن كۇنا ەكەنىن ايتادى.

ءماجىلىس دەپۋتاتى بەكبولات تىلەۋحان (2-سۋرەت) قاندى وقيعانى ايىپتاي كەلىپ، بۇل ءدىندى قۇبىجىق عىپ كورسەتۋ، ونىڭ دىنگە ەشقانداي قاتىسى جوق دەگەن پىكىرىن ايتقان.

كەشە اقتوبەدە بولعان وقيعا تۋرالى رەسمي اقپارات تاراپ، وندا «پاللادا» قارۋ-جاراق دۇكەنىنە جانە ۇلتتىق ۇلان اسكەري بولىمىنە شابۋىل جاسالعانى حابارلانىپ، وقيعا سالدارىنان «پاللادا» دۇكەنىنىڭ ساتۋشىسى قازا تاپتى، ءبىر ادام جارالاندى. شابۋىلدى تويتارۋ كەزىندە ءبىر وفيتسەر جانە ءبىر اسكەري قىزمەتكەر اجال قۇشتى، 9 اسكەري قىزمەتكەر جاراقات الدى. ال شابۋىل جاساۋشىلاردىڭ تاراپىنان 1 ادام تۇتقىندالدى، ۇشەۋىنىڭ كوزى جويىلدى، تاعى بىرەۋى جارالاندى. بىرنەشە قىلمىسكەر ءىز جاسىرىپ ۇلگەردى. ولاردى ۇستاۋعا باعىتتالعان جۇمىستار جۇرگىزىلىپ جاتىر» دەلىنگەن ەدى.

نۇرا ماتاي

Abai.kz