اقتوبە. لاڭكەستىك وقيعا كەزىندە قازا تاپقاندار...

قۇلىنىم، سەنىڭ اكەڭ ناعىز باتىر ادام!

سۋرەتتە: لاڭكەستەردىڭ قولىنان قازا تاپقان دانيەل مايلىباەۆتىڭ ۇلى. تەرروريستتەر قانداي ءدىن ۇستانسا دا، ول دىنسىماقتىڭ بالانىڭ كوز جاسىنىڭ الدىندا سوقىر تيىندىق قۇنى جوق!

اقبەرەن ەلگەزەكتىڭ FB-داعى پاراقشاسىنان الىندى.

مايلىباەۆ دانيەل اقارىسۇلى، ۇقك قارسىبارلاۋ اسكەري دەپارتامەنتىنىڭ قىزمەتكەرى، مايور. 1975 جىلى 16 جەلتوقساندا قىزىلوردا وبلىسى، شيەلى اۋدانى، جاڭاقورعان اۋىلىندا دۇنيەگە كەلگەن. 1995 جىلى ۇقك-ءنىڭ الماتى قالاسىنداعى اسكەري ينيستيتۋتىنا قابىلدانىپ ونى 1999 جىلى بىتىرگەن. سودان كەيىن پەتروپاۆلسك قالاسىندا ىشكى اسكەر جوعارى اسكەري ۋچەليششەسىندە جانە استاناداعى ءىىم-ءنىڭ ىشكى اسكەر كوميتەتىندە قىزمەتتە بولدى. 2005 جىلى قىزمەتىن جالعاستىرۋ ءۇشىن ۇقك-گە اۋىستى. 2005-2014 جىلدارى الماتى جانە پاۆلودار قالالارىندا ۇقك-ءنىڭ قارسىبارلاۋ اسكەري بولىمشەلەرىندە قىزمەت ەتتى. اقتوبەگە 2014 جىلى قىزمەت بابىمەن كەلدى. سوڭىندا جارى جانە ءتورت بالاسى قالدى.

قاليەۆ بەرىكجان ەرلانۇلى، 1978 جىلى 19 قاڭتاردا تۋعان. كىشى سەرجانت. باتىس قازاقستان وبلىسى، جانىبەك اۋدانى، جاقسىباي اۋىلىنىڭ تۋماسى. ارتىندا جارى – نۇرسۇلۋ، ەكى ءۇلى ەكى قىزى قالدى. ءتورت بالانىڭ كىشىسى گۇلدانا 4 جاستا.

ساپار دوسبول ەركىنبەكۇلى، 1997 جىلى 25 قازاندا دۇنيەگە كەلگەن. وڭتۇستىك قازاقستان وبلىسى، شاردارا اۋدانى، كوكسۋ اۋىلدىق وكرۋگى، ايداركول ەلدى مەكەنىنىڭ تۋماسى. 2016 جىلى 16 جەلتوقساندا اسكەر قاتارىنا الىنعان. سولدات. ارتىندا اكەسى ەركىنبەك، اناسى جۇلدىزاي جانە ءىنىسى مەن قارىنداسى قالدى.