وتىرار اۋدانىنىڭ كاسىپكەرلەرى قامىستى وڭدەپ، ودان قۇرىلىس پەن جيھاز قۇراستىرۋعا پايدالانىلاتىن تاقتايلار دايىنداۋدى قولعا الدى

«اقمەرگەن» جشس ءوز ءوندىرىسىن قامىس قالىڭ وسەتىن قارعالى اۋىلدىق وكرۋگىندە اشقان. بۇعان دەيىن اۋدان تۇرعىندارى ول قامىستاردى ورتەپ جىبەرەتىن. بۇگىندە تسەح قۇرىلىسى اياقتالىپ، قۇرال-جابدىقتار ورناتىلۋدا. ءوندىرىس كەلەسى جىلى تولىعىمەن ىسكە قوسىلادى.

بۇل قازاقستانداعى قامىس وڭدەيتىن جالعىز ءوندىرىس.  اتالعان جوبا ۇدەمەلى يندۋستريالىق-يننوۆاتسيالىق دامۋ دامۋ باعدارلاماسى شەڭبەرىندەگى يندۋستريالاندىرۋ كارتاسىنا ەنگىزىلگەن.  وسىعان وراي جالپى قۇنى 622,3 ملن تەڭگە بولاتىن كاسىپورىن «ونىمدىلىك – 2020» بيزنەستى قولداۋ باعدارلاماسىنىڭ شەڭبەرىندە ارزان مولشەرلەمەمەن 320 ملن تەڭگە شاماسىندا نەسيە الدى.

جىل سايىن مۇندا 750 مىڭ شارشى مەتر ءونىم شىعارىلىپ، 30-عا جۋىق ادام جۇمىسپەن قامتىلماق. كاسىپورىننان شىعاتىن قامىس تاقتايلار جيھازدار جاساپ، عيماراتتىڭ ءىشى مەن سىرتىن قاپتاۋعا ارنالعان.

جوبا باسشىلارى جەرگىلىكتى ءونىمنىڭ رەسەي مەن قىتايدان كەلەتىن ونىمدەرگە قاراعاندا ارزان ءارى ساپالىراق بولادى دەپ سەندىرىپ وتىر.  ەكولوگيالىق تازا ءونىم بولعاندىقتان، دايىن ونىمگە قازىردەن-اق سۇرانىس بار. قازىرگى تاڭدا بىرقاتار تاپسىرىس بەرۋشىمەن كەلىسىم جاسالدى.

Abai.kz