مۇنى سىنشىلار ءانشىنىڭ ۇلكەن ساحناعا قايتا ورالۋ ماقساتىندا جاساعان ارەكەتى دەپ باعالايدى. وزبەكستاندا يۋلدۋز ۋسمانوۆانىڭ شىعارماشىلىعىنا 2005 جىلدان بەرى تىيىم سالىنعان. انشىدە "ۋزبەكناۆو" ەسترادالىق بىرلەستىگىنىڭ ليتسەنزياسى بولعانىمەن، ونى ۇلكەن ساحناعا شىعارماي كەلەدى. ونىڭ اندەرىن وزبەك راديولارى مەن تەلەارنالارى دا كورسەتپەيدى.

بۇل جاعدايعا رازى بولماعان ءانشى وزبەكستاننان كەتىپ، ءبىراز ۋاقىت تۇركيادا تۇرىپ، جۇمىس ىستەپ كوردى. 2011 جىلى وتانىنا ورالعان ۋسمانوۆا ۇلكەن ساحناعا قايتادان شىعۋ ءۇشىن بار كۇش-جىگەرىن جۇمسادى. الايدا وزبەكستان پرەزيدەنتىنىڭ ۇلكەن قىزى گۇلنار كاريموۆانىڭ ءوزى سول جىلدارى بيلىككە ىقپالى بولسا دا، ءانشىنىڭ جولىنا قويىلعان تىيىمدى الىپ تاستاي المادى.

تىپتەن وتكەن جىلدىڭ سوڭىندا ۋسمانوۆا پرەزيدەنت يسلام كاريموۆتى "پاديشاحقا" تەڭەپ، ءان شىعاردى. بىراق پرەزيدەنتكە ارناپ جازىلعان ءاننىڭ ءوزى ءانشىنى ۇلكەن ساحناعا شىعارا المادى.

اباي-اقپارات