مادەنيەت جانە سپورت ءمينيسترى ارىستانبەك مۇحامەديۇلى يلي يلين، سۆەتلانا پودوبەدوۆا، مايا مانەزا مەن ءزۇلفيا چينشانلوعا قاتىستى دوپينگ داۋىنا بايلانىستى قازاقستاندىق تاراپتىڭ حالىقارالىق وليمپيادا كوميتەتىنىڭ شەشىمىنە قانداي كوزقاراستا ەكەنىن ايتتى، — دەپ حابارلايدى  “ۇلت.كز” سايتى جازدى.

ايتا كەتەيىك، قازاقستاندىق اۋىراتلەتتەر بەيجىڭ مەن لوندوندا العان جۇلدەلەرى ءۇشىن پاتەرلەرمەن جانە كولىكتەرمەن ماراپاتتالعان بولاتىن.

ءمينيستردىڭ ايتۋىنشا، سپورتشىلاردىڭ بيۋدجەتتەن تىس بولىنگەن سىياقىلارى تارتىپ الىنبايدى. بىراق ولاردى جازالاۋدىڭ بىرنەشە ءتۇرى بار.

ء«بىز جازالاۋدىڭ ەڭ جەڭىل ءتۇرى بولۋى ءۇشىن بارىن سالىپ جاتىرمىز. بىرىنشىدەن، سپورتشىلاردى ويىنداردان شەتتەتۋ.  ەكىنشىدەن، بۇعان دەيىن جەتكەن جەتىستىكتەرىن جويۋ. ال كەيىن بۇدان دا قاتاڭ جازالاردى قولدانامىز. مەدالدارىن قايتارۋ. ءومىر بويى سپورتتان شەتتەتۋ. جازالاۋدىڭ باسقا دا تۇرلەرى بار. مىسالى، وليمپيادا ويىندارىنداعى ناتيجەلەرىن جويۋ. بۇدان دا قاتاڭ جازالار تابامىز. سونىمەن قاتار، باسقا دا حالىقارالىق جارىستاردا العان جۇلدەلەرىنە قاتىستى ءتۇرلى شارالاردى قولدانامىز»، — دەدى مينيستر.

سونىمەن قاتار، ءمينيستردىڭ ايتۋىنشا، مەملەكەتتىك سىياقىلار ماسەلەسى دە مۇقيات قارالاتىن بولادى. مۇنى زاڭ اياسىندا شەشۋ كەرەك. حالىقارالىق وليمپيادا كوميتەتىنىڭ شەشىمى شىققان سوڭ، وتىرىس بولادى. سول وتىرىستان كەيىن بارلىعى شەشىلەدى. بىراق مۇندا ءبىر ماسەلە تۋىنداپ وتىر. ەڭ جوعارى ورگان بار. ول — حالىقارالىق وليمپيادا كوميتەتى. ولار شىعارعان شەشىمدى ءبىز مىندەتتى تۇردە ورىنداۋىمىز كەرەك. سوندىقتان ءبىز وليمپيادا قوميتەتىنىڭ شەشىمىنەن كەيىن سپورتشىلارعا، باپكەرلەرىنە جانە فەدەراتسيا باسشىسىنا قاتىستى شارالار قولدانامىز. «بىراق ولار ءبىز ءۇشىن وليمپيادا چەمپيوندارى بولىپ قالا بەرمەك».

«ارينە، سپورتشى اۋىر جاعدايدا بولعاندا وعان تاعى قىسىم كورسەتۋ ساياساتى بىزدە جوق. كەرىسىنشە، ءبىز ولاردى بارىنشا قولدايمىز. ولاردىڭ ەلىمىزگە قوسقان ءبىرتالاي ۇلەسى بار. مىسالى، يليا يلين مەكتەپتەر اشىپ جاتىر، بارلىق شاراعا قاتىسىپ ءجۇر. دوكتورلىق ديسسەرتاتسياسىن دا قورعاپ شىقتى. ءبىز يليانى قولداۋىمىز قاجەت. سپورتشىلارىمىزدىڭ ءبىزدىڭ ەلىمىزدىڭ ماقتانارلىق ازاماتتارى ەكەنىن كورسەتۋىمىز كەرەك. سپورتشىلارىمىزعا راقمەت»، — دەپ قورىتىندىلادى ءسوزىن مۇحامەديۇلى.

Abai.kz