ماۋسىم ايىنىڭ سوڭىندا قازاقستاننىڭ قاراعاندى وبلىسىندا ءسىبىر جاراسىن جۇقتىردى دەگەن كۇدىكپەن توعىز ادام جۇقپالى اۋرۋلار اۋرۋحاناسىنا ءتۇستى، سولاردىڭ ەكەۋى قايتىس بولدى. رەسپۋبليكانىڭ ۇلتتىق ەكونوميكا مينيسترلىگى ءباسپاسوز قىزمەتىنىڭ حابارلاۋىنشا، ەركىندىك اۋىلىنىڭ سەگىز تۇرعىنى ء"سىبىر جاراسى" كەسەلىن جۇقتىرعانى انىقتالدى. ءسال كەيىنىرەك ءسىبىر جاراسى اۋرۋى وزبەكستانمەن شەكارالاس وڭتۇستىك قازاقستان وبلىسىندا دا تارالدى دەگەن اقپارات شىقتى.

"قازىرگى تاڭدا وزبەكستاندا ءسىبىر جاراسى كەسەلى تىركەلگەن جوق. جاعداي باقىلاۋعا الىندى. قازاقستانمەن شەكاراداعى كەدەندىك پۋنكتتە كۇن سايىن ەپيدەميولوگتار كەزەكشىلىكتە تۇر", - دەدى مەكەمە وكىلى.

ونىڭ حابارلاۋىنشا، باقىلاۋ-تەكسەرۋ پۋنكتىندە شەكارادان وتكىزىلەتىن ونىمدەر مۇقيات تەكسەرىلەدى، مالعا ەكپە ەگىلەدى، حالىققا ۆاكتسيناتسيا جاسالادى.

وزبەكستان اۋىل شارۋاشىلىعى جانە سۋ شارۋاشىلىعى مينيسترلىگىنىڭ ۆەتەريناريا باس باسقارماسىنىڭ مالىمەتى بويىنشا، جازدىڭ ىستىعىنا بايلانىستى جۇقپالى اۋرۋلاردىڭ تارالۋ قاۋپى كۇشەيە تۇسەدى. "سول سەبەپتى باسقارمانىڭ اسا قاۋىپتى جۇقپالى اۋرۋلاردى انىقتايتىن سوڭعى ۇلگىدەگى قۇرال-جابدىقتارى بار ايماقتىق بولىمشەلەرى الدىن الۋ جۇمىستارىن كۇشەيتتى", - دەپ حابارلادى مينيسترلىكتەلىگەر.

اباي-اقپارات