ك.ءماسىموۆ: بىزگە ەلباسىمەن بىرگە باقۋاتتى قازاقستاندا ءومىر ءسۇرۋ بۇيىردى
ءوزىنىڭ جۇمىس ساپارى بارىسىندا قر پرەمەر-ءمينيسترى قىزىلوردا وبلىسى جاقسىقىلىش اۋىلىنىڭ تۇرعىندارىمەن ايماقتاعى وزەكتى ماسەلەلەردى جانە پەرسپەكتيۆالاردى تالقىلادى، - دەپ حابارلايدى Baq.kz.
اۋىل تۇرعىندارىمەن كەزدەسۋ كەزىندە كارىم ءماسىموۆ: ء«اربىر ادامنىڭ ءومىرى ماڭدايىنا جازىلعان تاعدىرىمەن بايلانىستى. ءبىز بەن سىزدەرگە ەلباسىمەن بىرگە تاۋەلسىز ءارى باقۋاتتى قازاقستاندا ءومىر ءسۇرۋ بۇيىرعان ەكەن. ءبىز مۇندا پرەزيدەنتتىڭ تاپسىرماسىمەن، سىزدەردىڭ پروبلەمالارىڭىزدى شەشۋ ءۇشىن قۋانا كەلدىك، بۇل جەردە تالقىلانعان ماسەلەلەر شەشىلەتىن بولادى»، - دەدى.
كەزدەسۋ جەرگىلىكتى مادەنيەت ۇيىندە ءوتتى. مۇندا پرەمەر-مينيستر اۋىل تۇرعىندارىمەن ايماقتىڭ دامۋىنا قاتىستى وزەكتى ماسەلەلەردى، اتاپ ايتقاندا، اۋىل كاسىپكەرلىگىن مەملەكەتتىك قولداۋدى، اگروونەركاسىپتىك كەشەندى دامىتۋدى، جاستاردى جۇمىسقا ورنالاستىرۋ مەن ەل ايماقتارىندا الەۋمەتتىك ينفراقۇرىلىمدى جاقسارتۋدى تالقىلادى.
ەسكە سالايىق، 7 شىلدە كۇنى كارىم ءماسىموۆ قىزىلوردا وبلىسىنا جۇمىس ساپارىمەن باردى. وسىعان دەيىن پرەمەر-مينيستر بايقوڭىر قالاسىندا بولىپ، قالانىڭ دامۋىنىڭ باس جوسپارىمەن تانىستى.
اbai.kz
