"الەم جىل وتكەن سايىن قاۋىپتى مەكەنگە اينالىپ بارادى. ناتو زاماننىڭ سىن-تەگەۋرىندەرىنە تەز ءارى باتىل جاۋاپ بەرىپ كەلەدى. جۇما جانە سەنبى كۇندەرى ءبىز ۇجىمداسىپ قورعانۋدى، شەكارامىزدان تىس جەرلەردەگى تۇراقتىلىقتى ساقتاۋدى جانە قاۋىپتەردى تەجەۋدى ءارى قاراي جەتىلدىرۋ ءۇشىن ماڭىزدى شەشىمدەر قابىلدايمىز. سول شەشىمدەر نەگىزىندە وسى جەردە – پولشادا، بۇعان قوسا ەستونيادا، لاتۆيا مەن ليتۆادا اسكەر كۇشەيتىلەدى", - دەدى ناتو-نىڭ باس حاتشىسى.

"بىراق بۇنىڭ قاشان جۇزەگە اساتىنىن ايتۋ ازىرگە اسىعىستىق بولار ەدى. مەنىڭ ايتقىم كەلگەنى، ءبىز ەشقاشان رەسەيمەن اراداعى ساياسي ديالوگتى توقتاتقان ەمەسپىز. وداقتاستار ساياسي دەڭگەيدە رەسەي وكىلدەرىمەن كەزدەسىپ ءجۇر، ءبىز دە رەسەي – ناتو كەڭەسىن رەسەيمەن ساياسي ديالوگ جۇرگىزۋ ءۇشىن اسا ماڭىزدى پلاتفورما رەتىندە قولدانا بەرەمىز", - دەپ مالىمدەدى ول.

ونىڭ ايتۋىنشا، ناتو جاۋاپ قايتارۋ كۇشىنىڭ كولەمىنە قاناعات تۇتتى. ء"بىز شىعىستا جاڭا شتاب-پاتەر اشىپ، بالليستيكالىق زىمىراندار مەن باسقا دا قاۋىپتەردەن قورعانۋعا ارنالعان زىمىرانعا قارسى قورعانىس سەكىلدى جەتىلدىرىلگەن كۇشتەردى ورنالاستىردىق", - دەدى ول.

ستولتەنبەرگتىڭ ايتۋىنشا، اليانستىڭ شىعىس فلانگىنا بىرنەشە ەل كىرەدى جانە وداقتىڭ ءبىر مۇشەسىنە جاسالعان شابۋىل بۇكىل وداققا شابۋىل جاساۋمەن پارا-پار بولادى.

اباي-اقپارات