ءماسليحات دەپۋتاتتىعىنا 10 مىڭ ۇمىتكەر تىركەلدى
قازاقستاننىڭ ورتالىق سايلاۋ كوميسسياسىنىڭ حابارلاۋىنشا، ءماسليحات دەپۋتاتىنىڭ ءبىر ورنىنا ورتاشا ءۇش ادام ۇمىتكەر بوپ وتىر.
تىركەلگەن ۇمىتكەردىڭ 1 592-ءسى وبلىس ءماسليحاتىنا، 121-ءى استانا قالالىق ءماسليحاتىنا، 130 — الماتى قالالىق ءماسليحاتىنا سايلانعىسى كەلەدى. 6 862 ۇمىتكەر اۋداندىق ءماسليحات دەپۋتاتتىعىنا تالاسپاق، 2 120 ادام قالالىق ءماسليحات دەپۋتاتتىعىنا ۇمىتكەر رەتىندە تىركەلگەن.
وسك مالىمەتىنشە، تىركەلگەن ۇمىتكەردىڭ 3 407-ءسى ساياسي پارتيالار اتىنان تۇسسە، 17 ادامدى قوعامدىق ۇيىمدار ۇسىنعان. 7 401 ۇمىتكەر ءوزىن-ءوزى ۇسىنعان.
ءماسليحات دەپۋتاتتىعىنا ۇمىتكەر رەتىندە تىركەلگەندەر بۇگىننەن باستاپ ۇگىتتەۋ جۇمىستارىن باستايدى.
اباي-اقپارات
