سايتتىڭ حابارلاۋىنشا، وسى ۋاقىتقا دەيىن ەكى ءدىني وقۋ ورنىنا مەدرەسە-كوللەدج اتاۋى بەرىلىپتى. ءبىرى – سارىاعاشتا، تاعى ءبىرى – الماتى قالاسىندا. باستاما تيىمدىلىگىن تانىتسا، وزگە مەدرەسەلەر دە جاڭا جۇيەگە كوشەدى. شاكىرتتىككە 9-سىنىپتى بىتىرگەن تالاپكەرلەر قابىلدانادى.
ەرجان قاجى مالعاجىۇلى، قمدب توراعاسى، باس ءمۇفتي:
– بۇعان دەيىن ءبىزدىڭ مەدرەسەدەن العان ديپلوم تەك وزىمىزگە عانا جارايتىن. ەندى مەدرەسە-كوللەدج دەپ اتالعاننان كەيىن ونى بىتىرگەن بالا ەرتەڭ يمام بولمايتىن بولسا، باسقا دا زايىرلى وقۋ ورىندارىنا ءتۇسۋ مۇمكىندىگى بار.
باستاماعا قازاقستاننىڭ ءدىن ىستەرى كوميتەتى دە قولداۋ كورسەتتى. مەدرەسە شاكىرتتەرىمەن قوسا يمامداردىڭ دا قوسىمشا ءبىلىم يگەرۋى – قازىرگى زامان تالابى.
عالىم شويكين، قر ءدىن ىستەرى كوميتەتىنىڭ توراعاسى:
– ەكى ءبىلىمدى قاتار الىپ جۇرگەنى دۇرىس. جالپى قوعامداعى تۇراقتىلىقتى ساقتاۋ ءۇشىن زايىرلى ءبىلىم الۋ قاجەت.
