كەشە اۆستريانىڭ ۆەنا قالاسىندا ەۋرانزيالىق ىنتىماقتاستىق جانە قاۋىپسىزدىك ۇيىمى اسسامبلەياسىنىڭ قىسقى سەسسياسى باستالدى. 50 مەملەكەتتەن جينالعان اسسامبلەيا مۇشەلەرىنىڭ جيىنىندا قازاقستاندىق دەگەگاتتاردى قر پارالامەنتى سەناتىنىڭ سپيكەرى قاسىم-جومارت توقاەۆ مىرزا باستاپ باردى.

ەقىۇ سەسسياسىنىڭ اشىلۋىندا ءسوز العان قاسىم-جومارت توقاەۆ، تمد-نىڭ كەي مەملەكەتتەرى مەن وزگە ەلدەردەگى پارلامەنتاريا جۇمىستارىنا قاتىستى ەۋروپا ەلدەرىنىڭ قولدانىپ وتىرعان ەكونوميكالىق سانكتسيالارىنا نارازىلىق ءبىلدىرىپ، ەقىۇ-عا  مۇشە كەي مەملەكەتتەردىڭ ساياسي تاكتيكاسىن اشىق سىنعا الدى.

قاسىم-جومارت توقاەۆ مىرزا، ەقىۇ مىنبەرىندە تۇرىپ جاساعان  اعىلشىن تىلىندەگى بايانداماسىندا ەۋرازيالىق قاۋىپسىزدىك جانە ىنتىماقتاستىق ۇيىمى جۇمىسىن سىناپ، جينالعان كوپشىلىككە اتالعان ۇيىمنىڭ نەگىزگى ماقساتى نە ەكەنىن ءتۇسىندىردى.

«ەۋرازيالىق قاۋىپسىزدىك جانە ىنتىماقتاستىق ۇيىمى – سانكتسيا سالىپ، ەلدەر مەن ەلدەر اراسىن ءىرىتۋشى، جىككە ءبولۋشى ەمەس،  كەرىسىنشە مەملەكەتتەر اراسىنداعى ىنتىماقتاستىقتى، دوستىقتى ناسيحاتتاۋعا ءتيىستى، سول باعىتتا جۇمىس جۇرگىزۋگە مىندەتتى ۇيىم بولۋى كەرەك »،-دەدى   قاسىم-جومارت توقاەۆ.

اۆستريانىڭ ۆەنا قالاسىندا ەكى كۇنگە سوزىلاتىن ەۋرازيالىق قاۋىپسىزدىك ۇيىمىنىڭ قىسقى سەسسياسىنا 50 مەملەكەتتەن دەلەگاتتار قاتىسۋدا. بيىلعى سەسسيادا تالقىلاناتىن نەگىزگى تاقىرىپتار دا ايقىن. سونىڭ ىشىندەگى ەڭ ماڭىزدى ماسەلەلەردىڭ ءبىر پاراسى - ەۋروپاداعى ميگراتسيالىق داعدارىس، تەررورزيممەن كۇرەس، سيريا مەن ۋكرايناداعى جانجالدار ت.ب.

وسى جانە وزگە دە تاقىرىپتار بويىنشا قازاقستان اتىنان ءسوز سويلەگەن سەنات سپيكەرى ەۋروپا ەلدەرى پارلامەنتى قابىلداعان كوپ شەشىمنىڭ تاياز تالعاممەن جاسالعاندىعىن ايتتى.

ء«بىز الەمدىك دەڭگەيدەگى وسىنداي جيىنعا ساياسي بلوك قويىپ، قانداي دا ءبىر مەملەكەت پارلامەنتى دەلەگاتتارىن فورۋمعا ادەيىلەپ قاتىستىرماۋ ارەكەتىن دۇرىس ەمەس دەپ ەسەپتەيمىز. XXI عاسىردا ساياسي مىنبەرلەردە سانكتسياعا ورىن بولماۋى ءتيىس. ويتكەنى ءبىزدىڭ بۇگىنگى جيىنىمىز – الەمدىك ەكونوميكانىڭ ەڭ وزەكتى ماسەلەلەرىن تالقىلاۋعا باعىتتالىپ وتىر. سانكتسيا – بۇۇ-نىڭ ىرقىنداعى ماسەلە. بۇل باسىمدىلىق تەك ەڭ سوڭعى ساتتە عانا، تىعىرىقتان شىعۋدىڭ وزگە امالدارى قالماعان كەزدە عانا قولدانىلۋى قاجەت»،-دەدى سەنات سپيكەرى ۆەناداعى جيىن مىنبەرىندە.

سونداي-اق، ۆەنا مىنبەرىنەن ميكروفون بۇيىرعان رەسەي مەملەكەتتىك دۋماسىنىڭ تمد بويىنشا كوميتەتى توراعاسى لەونيد سلۋتسكي رەسەيلىك «روسسيا-24» ارناسىنا سۇحبات بەرىپ، قازاق ساياساتكەرى توقاەۆتىڭ سوزىنە سۇيسىنگەنىن ءبىلدىردى.

«توقاەۆ مىرزا دەر كەزىندە ءدال ءارى باتىل مالىمدەمە جاسادى. توقاەۆ مىرزا –جاھاندىق دەڭگەيدەگى بىلىكتى ساياساتكەرلەردىڭ ءبىرى»،- دەدى رەسەيلىك ساياساتكەر.

ەستەرىڭىزگە سالا كەتەيىك، رەسەي مەملەكەتتىك دۋماسىنىڭ تمد بويىنشا كوميتەتى توراعاسى لەونيد سلۋتسكي: «ەاەو-عا مۇشە ەلدەرگە ورتاق ۆاليۋتا جاسالىپ جاتىر. ول ۆاليۋتا «التىن» دەپ اتالادى»، - دەگەن بولاتىن.

نۇرگەلدى ابدىعانيۇلى

Abai.kz