جەكسەنبى, 23 ماۋسىم 2024
جاڭالىقتار 4717 0 پىكىر 4 ناۋرىز, 2016 ساعات 14:28

رەسەي ءسىم: اقش-تىڭ سانكتسيا ساياساتىنىڭ بولاشاعى جوق

رەسەيدىڭ سىرتقى ىستەر مينيسترلىگى اقش-تىڭ رەسەيگە قارسى سانكتسيا شارالارىن ۇزارتۋ تۋرالى شەشىمىنە تۇسىنىكتەمە بەردى.

رەسەيدىڭ ديپلوماتيالىق قىزمەتى قۇراما شتاتتاردىڭ بۇل ارەكەتى ەكى ەلدىڭ ەڭ ماڭىزدى حالىقارالىق تۇيتكىلدەردە بىرلەسىپ ارەكەت ەتۋ مۇمكىندىگىنەن ايىرادى دەپ سانايدى. اقش-تىڭ سانكتسيا ساياساتىنىڭ بولاشاعى جوق دەپ اتاعان سىرتقى ىستەر مينيسترلىگى رەسەي دە ءوز تارابىنان جاۋاپ شارالاردى قولعا الاتىنىن مالىمدەدى.

رەسەي ءسىم تۇسىنىكتەمەسىندە سانكتسيالاردىڭ ۋكراين داعدارىسىن شەشۋگە كومەكتەسپەيتىنىن جانە رەسەي-امەريكان قارىم-قاتىناسىنا كەسىرىن تيگىزەتىنىن ايتقان.

بۇعان دەيىن اقش پرەزيدەنتى باراكا وبامانىڭ رەسەيگە قاتىستى سانكتسيانى تاعى ءبىر جىلعا ۇزارتقانى بەلگىلى بولدى. اق ءۇي تاراتقان قۇجاتتا رەسەيدىڭ ۋكرايناعا قارسى ۇستانعان ساياساتى مەن ارەكەتى بۇل ەلدىڭ تىنىشتىعىنا، قاۋىپسىزدىگىنە، تۇراقتىلىعىنا، تاۋەلسىزدىگى مەن اۋماعىنىڭ تۇتاستىعىنا قاۋىپ توندىرەتىنى جانە ۋكرايناداعى دەموكراتيالىق ۇردىستەر مەن ينستيتۋتتاردىڭ قىزمەتىنە توسقاۋىل بولاتىنى كورسەتىلگەن.

اباي-اقپارات

0 پىكىر