ءبىز تاۋەلسىز مەملەكەتپىز دەپ كوكىرەگىمىزدى قاعامىز، ماقتانۋعا كەلگەندە الدىمىزعا جان سالمايمىز. ەرتەرەكتە ءسوز بولعان ەدى، بىزدەر رەسەيمەن ورتاق اۋە كەڭىستىگى بولادى دەپ، وعان بىرەن ساران بىلەتىن ماماندار بولماسا كوپشىلىك ءمان بەرمەگەن ەدى.

بۇگىن ءبىر جىگىتپەن انگىمەلەسىپ تۇرىپ مىنانداي xابار ەستىدىم، ونىڭ ءبىر جاقىن تۋىسى كولىك اپاتىنا ۇشىراپ، ومىرتقاسى قاتتى زاقىمدالادى، پريوزەرسكادان تەز ارادا قاراعاندىعا اپارىپ شۇعىل وپەراتسيا جاساتۋ كەرەك بولادى، ارا قاشىقتىعى ۇشاقپەن جارتى اق ساعات. استاناداعى تۋىستارى تەز ارادا چس-nىڭ باستىقتارىمەن سويلەسىپ، قاراعاندىعا الىپ بارۋ ءۇشىن ۇشاقپەن اپارۋعا كەلىسىمىن الادى. ءبىز ءوز ەلىمىزدە وتىرىپ، ۇشاتىن ۇشاققا موسكۆادان رۇقسات سۇراپ xابار بەرەدى. موسكۆا جارتى ساعاتا ۇشىپ اپاراتىن جەرگە ءبىر كۇننەن كەيىن بارىپ رۇقساتىن بەرەدى. اۋىرۋ ادام ءبىر كۇن موسكۆانىڭ رۇقساتىن كۇتىپ ۇشاقتىڭ جانىندا جاتادى. وسى جاعدايدى كورىپ وتىرىپ ءبىز قانداي تاۋەلسىز ەلمىز دەگەن وي كەلەدى.

ەگەر جيرينوۆسكيدىڭ ايتقانىنداي، ۋكراينادان سوڭ قازاقستاندى قولعا الامىز دەگەنىندەي رەسەيدە جامان وي پايدا بولسا، ءبىزدىڭ شارۋامىزدى اۋە كەڭىستىگى ءوز قولىندا بولعان رەسەي ەكى-اق ساعاتتىڭ ىشىندە شەشەتىنى بەلگىلى. بۇنداي كەلىسىمگە كىم قول قويدى؟ بۇنداي ەڭ ماڭىزدى ماسەلەلەردى xالىقتىڭ كەلىسىمىسىز كىم ءوز مويىنىنا الدى؟ ۋاقىت وتەدى، بىراق جاۋاپ بەرەتىن كەز ەرتە مە، كەش پە كەلەتىنى انىق. سول كەزدە ازعانا ۋاقىت راxاتتانىپ كرەسلودا وتىرعان ۋاقىتى مۇرنىنان شىعاتىنىنا سەنبەيدى مە ەكەن. بۇنداي ۋاقيعالاردى ۇلتتىق ساتقىندىق دەپ باعالانۋ كەرەك.

حايرۋللا عابجاليلوۆ

Facebook-تەگى پاراقشاسىنان