زەرتتەۋشى جۋرناليستەردىڭ حالىقارالىق كونسورتسيۋمى رەسەي پرەزيدەنتى ۆلاديمير ءپۋتيننىڭ جاقتاستارى قۇرعان كولەڭكەلى قارجىنى وفشورلىق ەسەپشوتتارعا اۋدارۋدىڭ اۋقىمدى جەلىسىن جاريا ەتتى. قۇجاتتاعى وسىنداي جولمەن شىعارىلعان اقشانىڭ سوماسى ەكى ميلليارد دوللاردان اسادى.

«پانامالىق قۇجاتتار» دەپ اتالعان ەسەپتى ءبىر مەزەتتە بىرنەشە ۇيىم بىرقاتار تىلدە جاريالادى. ول پانامالىق زاڭگەرلىك كومپانيانىڭ جاريا بولعان قۇجاتتارىنا سۇيەنەدى جانە سول ارقىلى الەمنىڭ ءار تۇكپىرىنەن اعىلعان كۇدىكتى اقشا اۋدارىمدارىنىڭ يەلەرىن انىقتاۋدى كوزدەيدى. بۇل مالىمەتتەردىڭ ىشىندە كرەملدەگى بيلىك وكىلدەرىنەن بولەك، ۋكراينا پرەزيدەنتى، يسلانديا مەن پاكىستان پرەمەر-مينيسترلەرى، ءازىربايجان پرەزيدەنتىنىڭ بالالارىنا، ساۋد ارابياسىنىڭ كورولى سەكىلدى بىرقاتار تۇلعالارعا قاتىستى قىزىق دەرەكتەر بار.

ەسەپكە سايكەس، پيتەرلىك ۆيولونچەل اسپابىندا وينايتىن ءارى ءپۋتيننىڭ ەسكى دوسى سەرگەي رولدۋگين 100 ميلليون دوللاردىڭ يەسى بوپ تابىلادى. ونىڭ ءبىر بولىگىن رەسەي پرەزيدەنتىنىڭ جاقتاسى بيزنەسمەن يۋري كوۆالچۋك ارقىلى جيناعان. كوۆالچۋك ءوز كەزەگىندە، وعان تيەسىلى بانك روسسيا قارجى ۇيىمىمەن بىرگە اقش سانكتسيالارىنىڭ تىزىمىندە تۇر.

Abai.kz