جاقىندا استانادا قازاقستاندىق تاۋارلاردىڭ «حالىق ماركاسى» اتتى ۇلكەن ساۋدا-كورمە پاۆيلونى اشىلادى. حالىق ءۇشىن وتاندىق ءونىمنىڭ ساپالىلىعى مەن قولجەتىمدىلىگىن وسى «حالىق ماركاسى» پاۆيلونى ءبىر جۇيەگە تۇسىرمەك.

 «حالىق ماركاسى» ساۋدا-كورمە پاۆيلونىنا تۇراقتى جۇمىس ىستەيتىن بولادى جانە وتاندىق كاسىپكەرلەردەن ءوتىنىش قابىلداۋ باستالىپ تا كەتكەنىن ايتا كەتەمىز.

«حالىق ماركاسى» تاڭباسى تۇتىنۋشىلار تاڭداۋىنا نەگىزدەلەدى جانە ايقىن تۇتىنۋشىلىق باعدارعا اينالماق، سونىڭ ارقاسىندا ساپالى قازاقستاندىق ءونىم يمپورتتان ەرەكشەلەنىپ تۇرادى.

جوبانىڭ قۇرىلتايشىسى –  «حالىق ماركاسى» قازاقستاندىق تاۋارلار مەن قىزمەتتەر ساپاسىن باقىلاۋ جۇيەسىنىڭ فەدەراتسياسى»  زتب پرەزيدەنتى ريمما تاجىباەۆانىڭ ايتۋىنشا، وسىنداي كورمە پاۆيلونىن قۇرۋدىڭ بىردەن ءبىر ارتىقشىلىعى  – وندىرۋشىلەر ءۇشىن دە، قازاقستاندىق تۇتىنۋشىلار ءۇشىن دە بارىنشا ىڭعايلى نارىقتىق جاعداي جاساۋ. جوباعا قاتىسۋعا ءوتىنىش بەرۋشى وتاندىق كومپانيالار پاۆيلون اۋماعىنان 100 شارشى مەترلىك تەگىن ورىن الادى جانە ەڭ باستىسى، حالىقتىڭ سەنىمى مەن تاڭداۋىنىڭ بەلگىسى رەتىندە «حالىق ماركاسى»  تاڭباسىنا يە بولادى. ول ەكى جىل بويى جارنامالىق ماقساتتاردا پايدالانىلادى.

تۇتىنۋشىلار بولسا، ءوز كەزەگىندە، ءونىمدى ەڭ تومەنگى ۇستەمە باعا – ءوندىرۋشىنىڭ باعاسىنا 3-7 پايىز قوسىمشامەن الۋ مۇمكىندىگىنە يە بولادى.  «سوڭعى كەزدە «قازاقستاندا جاسالعان» اتتى كورمەلەر مەن جارمەڭكەلەر ءجيى وتكىزىلەتىن بولدى. الايدا، ولار وتە قىسقا مەرزىمدە وتەدى. الەمدىك تاجىريبە بويىنشا، ءدال وسىنداي تۇراقتى جۇمىس ىستەيتىن كورمە پاۆيلوندارى برەندتىڭ تانىمالدىعىن 45%-عا، ساتۋدى ۇلعايتۋدى 57%-عا، ال ءونىمدى ەكسپورتتاۋدى 28%-عا كوتەرۋگە ىقپال ەتەدى. وسىعان وراي مەندە اۋماعى ۇلكەن، 5-تەن 25 مىڭ شارشى مەترگە دەيىن جەتەتىن، تۇراقتى جۇمىس ىستەيتىن «حالىق ماركاسى» پاۆيلونىن قۇرۋ يدەياسى پايدا بولدى. ءبىزدىڭ «حالىق ماركاسى» پاۆيلونى تەك جەرگىلىكتى حالىققا ارنالعان تاۋارلار مەن قىزمەتتەردى شوعىرلاندىراتىن جەر عانا ەمەس، سونىمەن قاتار شەتەلدىك قوناقتار كەلەتىن تاماشا ورىن بولادى، مۇندا ولار قازاقستاندىق وندىرۋشىلەردىڭ مۇمكىندىكتەرىمەن تانىسا الادى. مەن «حالىق ماركاسى» پاۆيلونى ەلىمىزدىڭ ەكسپورتتىق الەۋەتىن وسىرۋگە قولداۋ كورسەتەتىنە سەنىمدىمىن»، – دەپ اتاپ ايتتى ريمما تاجىباەۆا.

«حالىق ماركاسى» پاۆيلونىنا جەتى سەكتسيا كىرەدى: ءبارى ءۇي جانە باقشا ءۇشىن، قازاقستانعا ساياحات جانە تۋريزم، بالالار ساياباعى، ايەلدەر الەمى، فارماتسەۆتيكا، قولونەرشىلەرگە ارنالعان ساياباق، سونداي-اق ازىق-تۇلىك ونىمدەرى.

كورمە پاۆيلونىنىڭ اشىلۋى 16 مامىرعا جوسپارلانىپ وتىر.

بيىلعى جىلدىڭ ناۋرىز ايىندا استانا جانە جامبىل قالالارىندا «حالىق ماركاسى» دۇكەندەرىنىڭ بولشەك ساۋداسى پايدا بولعانى بەلگىلى. ءساۋىر ايىنىڭ ورتاسىندا استانادا «حالىق ماركاسى» كوتەرمە ساۋدا جەلىسىنىڭ اشىلۋى كۇتىلۋدە. بارلىعى ەلىمىز بويىنشا 22 جەلى اشۋ جوسپارلانعان.

تولىق اقپارات:

www.facebook.com/groups/halyk.markasy/

http://halykmarkasy.kz/

 كومپانيانىڭ قىسقاشا تۇيىندەمەسىن مىنا پوشتاعا جىبەرۋگە بولادى: halykmarkasy.kz@mail.ru

Abai.kz