"قازاقستان ارۋى-2014" رەگينا ۆاندىشەۆا ماسكەۋدە  وتكەن "رەسەي ارۋى-2016" سۇلۋلىق بايقاۋىنا قاتىستى، دەپ حابارلايدى Tengrinews.kz.

ونەر كورسەتىپ جاتقان كەزىندە رەسەيلىك ءانشى نيكولاي باسكوۆ قازاقستاننىڭ ەڭ سۇلۋ قىزىنا جاقىنداپ كەلىپ، ونى بيگە شاقىردى. "ەسىمىڭىز كىم؟ ءسىز "قازاقستان ارۋىسىز" با؟ مەن قازاقستاندى سونداي قاتتى جاقسى كورەمىن! سىزدەردە بايلار كوپ. ماسكەۋدە نە ىستەپ ءجۇرسىز؟ بارلىعى قازىر قازاقستاندا ءجۇر عوي", - دەدى ەفيردە باسكوۆ. 

رەگينا ۆاندىشەۆا سۇحباتىندا رەسەيلىك سۇلۋلىق بايقاۋىنان قاتتى اسەرلەنگەنىن ايتتى. "نيكولاي وتە كوڭىلدى ءارى اشىق ادام. After-party ءوتىپ جاتقان كەزدە ول بارلىعىمىزعا گۇل سىيلادى، ماقتاۋ سوزدەر ايتتى. "رەسەي ارۋى" بايقاۋىنا كەلگەنىمە قۋانىشتىمىن، جوعارى دەڭگەيدە ۇيىمداستىرىلدى. مەنى سوفيا نيكيتچۋك شاقىردى، ءبىز ول ەكەۋمىز قىتايداعى "الەم ارۋى-2015" بايقاۋىنا بىرگە قاتىسقان ەدىك", - دەدى ۆاندىشەۆا.

Abai.kz