ايتا كەتەيىك، جەر كودەكسىنە بىلتىر ەنگىزىلگەن وزگەرىستەر اياسىندا 2016 جىلدىڭ 1 شىلدەسىنەن باستاپ ەلدەگى اۋىلشارۋاشىلىق جەرلەرىنىڭ ءبارى جەكەمەنشىككە اۋكتسيون ارقىلى ساتىلاتىن بولادى. ەلباسى جەر تەلىمدەرىنىڭ شەتەلدىكتەرگە ەمەس، قازاقستاندىقتارعا عانا ساتىلاتىنىن تاعى دا اتاپ ءوتتى.

"زاڭدا جەردى شەتەلدىكتەرگە ساتۋ تۋرالى مۇلدەم كورسەتىلمەگەن. جوق ونداي. جەردىڭ يەسى بولۋ ءۇشىن ونى قازاقستاندىقتارعا جەكەشەلەندىرىپ بەرەمىز. جەردى جارامسىز دەڭگەيگە دەيىن پايدالانىپ تاستاماۋ ءۇشىن وسىنداي قادامعا بارىپ وتىرمىز. جەر حالىققا جۇمىس ىستەۋى كەرەك، بوس جاتا بەرمەي. بىزدەگى جەردىڭ ءبارىن لاتيفۋنديستەر باسىپ العان، ءبىرى پايدالانىپ وتىر، ەكىنشىلەرى جوق. بۇل جەر قازاقستاندىقتارعا باقىت الىپ كەلۋى كەرەك، ال قازىر تۇسىنىكسىز جاعدايلاردا پايدالانىلىپ جاتىر. حالىققا دۇرىس تۇسىندىرمەگەندىكتەن وسىنداي جاعداي ورىن الىپ وتىر" دەدى مەملەكەت باسشىسى اتالعان جيىن بارىسىندا.

Abai.kz