"12 جىلدىق ءبىلىم بەرۋدىڭ ماقساتى وسكەن بالالاردىڭ تاعى دا ءبىر جىل مەكتەپ پارتاسىندا وتىرعىزۋ ەمەس. ءبىزدىڭ مىندەتىمىز ءبىرىنشى سىنىپتى التى جاستان باستاۋ. بىزدە قازىر التى جاستاعى بالالاردىڭ جارتىسى مەكتەپتە وتىرادى، جارتىسى ءالى بارمايدى. سوندىقتان ءبىزدىڭ ءبىرىنشى العا قويعان مىندەتىمىز — التى جاستاعى بالا مىندەتتى تۇردە مەكتەپ پارتاسىندا وتىرۋ كەرەك", — دەپ ساعاديەۆتىڭ سوزدەرىنە سىلتەمە جاسايدى ۇكىمەتتىڭ رەسمي سايتى.

ساعاديەۆ سونىمەن بىرگە ءىرى قالالارداعى مەكتەپتى وقۋشىنىڭ سانىنا قاراپ قارجىلاندىرۋ جوسپارىن دا مالىمدەدى. ءمينيستردىڭ تۇسىندىرۋىنشە، ءبىلىم ورنى وقۋشىنى نەعۇرلىم كوپ جيناسا، قارجىلاندىرۋ دا سوعۇرلىم كوپ بولماق.

"بۇل ۇلكەن ەكونوميكالىق جانە الەۋمەتتىك قۇبىلىس. مەكتەپتى ۇستاپ تۇرۋعا اكىمشىلىك بيۋدجەت بىردەن قىسقارادى. جان باسىنا قارجىلاندىرۋ كەزىندە مەكتەپتىڭ قوجايىنى پايدا بولادى. ياعني مەكتەپتىڭ اكىمشىلىگى جوندەۋ جۇمىستارىن قالاي جۇرگىزۋ كەرەك، مۇعالىمدەرگە قانداي ايلىق قويۋ كەرەك، وزدەرى شەشەدى", - دەيدى مينيستر.

اباي-اقپارات